Lugo, 2 de novembro de 2019. Galicia en Común celebrou este sábado en Lugo un multitudinario acto que contou coa presenza da candidata de Lugo, Vanessa Somoza, acompañada de Yolanda Díaz e Antón Gómez-Reino, entre outros, e como convidado, o historiador e exdeputado no Congreso, Xavi Domenech.
A candidata de Galicia en Común pola provincia de Lugo, Vanessa Somoza, salientou que “non imos dar un paso atrás na defensa dos dereitos das traballadoras e dos traballadores e do feminismo por moito que convoquen eleccións”, e que “precisamos votos útiles para a cidadanía, para poder levar ao Congreso os verdadeiros problemas da xente».
«Somos o único espazo capaz de rachar co bipartidismo en Lugo, voltaremos facelo e conseguiremos levar representación e as demandas dos lugueses e luguesas ás Cortes», incidiu.
Somoza sinalou a «urxente» situación na que se atopa a provincia de Lugo, que está reclamando atención e medidas urxentes. «Temos que salvar a nosa industria, o noso medio, romper o illamento e impulsar infraestruturas, acadar a reforma da PAC e prezo xusto do leite, e conseguir un xulgado do social e de violencia de xenero para Lugo», incidiu a candidata.
A candidata Yolanda Díaz foi a encargada de pechar este mediodía o acto en Lugo. Na súa intervención, a candidata de Galicia En Común destacou que nestas eleccións xogámonos «voltar ao bipartidismo”, e denunciou as mentiras da Ministra en funcións, Nadia Calviño, que se pasou por Lugo para asegurar que o PSOE pelexou polos sectores produtivos cando foi «todo o contrario». «Mañá hai unha macro manifestación das traballadoras e traballadores de Alcoa San Cibrao, e non están facendo nada”.
Díaz manifestou que é hora xa de “meterlle man ás grandes multinacionais da enerxía que permiten que moita xente en Galicia non poda prender a calefacción”.
Tamén lembrou os 9.000 millóns de euros que nos custou ás galegas e aos galegos a quebra das caixas de aforros, case o mesmo que o Orzamento galego (10.000 millóns).
«Non hai voto máis inútil que votar a quen non vai derogar a reforma laboral, e que quere implantar medidas como a mochila austríaca, que recortará, aínda máis, os dereitos das traballadoras e dos traballadores”. Amosou, así mesmo, a honra que supón que a imputación que hai enriba da mesa contra as deputadas e deputados galegos de Galicia En Común sexa por defender aos traballadores de Alcoa.
Pola súa banda, o candidato pola provincia de A Coruña, Antón Gómez-Reino, que tamén agradeceu a presenza de Xavi Domenech en Lugo, destacou que “todos somos conscientes de que enfrontamos unha campaña dura, onde os poderes van intentar que non teñamos o magnífico resultado que estou seguro de que teremos o 10N”, e fixo fincapé no lema de Galicia En Común para estas eleccións xerais, sinalando que “podedes contar con nós para defender a igualdade, os sectores produtivos, as pensións, o prezo do leite, …”.
No caso concreto de Lugo, o candidato de Galicia En Común denunciou que “esta provincia segue a ser unha das provincias onde se paga o leite máis baixo do Estado».
«O Goberno fai unha negociación nefasta en Bruxelas, esto provoca tamén que teñamos os portos da Mariña abandonados”, incidiu.
O historiador e exdeputado no Congreso, Xavi Domenech, arrincou os aplausos do público ao comezo da súa intervención na que destacou o “privilexio” que para el supuña participar na campaña de Galicia En Común Unidas Podemos. Domenech destacou que “os cataláns sempre nos sentimos orgullosos do traballo, da forza e da honestidade dos deputados galegos».
«Tedes uns grandísimos deputados e deputadas, e teñen que seguir no Congreso”, incidiu o historiados.
Denunciou, así mesmo, o feito de que “porque un señor non podía dormir, vémonos condenados a unha repetición electoral” e agora só queda, dixo, ou Unidas Podemos ou o PP, e “iso é o que nos xogamos nestas eleccións”.
En relación a Catalunya, Doménech lembrou que Pedro Sánchez “sabía que iba haber sentencia do procés. E aínda así convocou eleccións. Agora en Catalunya vivimos unha situación clara de bloqueo e represión. Esto non o vai solucionar Sánchez, non ten vontade. Isto ten unha solución que se chama diálogo. Ten que recoñecer que España é plurinacional. Catalunya é unha nación, Galicia é unha nación”, sentenciou Xavi Domenech.
A vicepresidenta do Parlamento de Galicia e Coordinadora Nacional de Esquerda Uni da, Eva Solla, puxo o foco, na súa intervención, no problema estructural que existe en Galicia, onde “o único voto útil é para Galicia En Común”.
Solla manifestou que “non precisamos un Goberno de dereitas, senón un de esquerdas que cumpra cos problemas reais da clase traballadora». A vicepresidenta do Parlamento lembrou que “en Lugo temos canteiras e hai problema coa silicose: non se pode seguir morrendo nin enfermando no posto de traballo».
A voceira do grupo Común da Esquerda no Parlamento de Galicia, Luca Chao destacou na súa intervención que “hoxe temos que falar das cousas nas que non queren poñer o foco».
«Temos que falar sobre o que se vai facer cando veña a recesión, ou que se vai facer fronte á emerxencia climática, que se vai facer para loitar contra a violencia patriarcal, que se vai facer para loitar polas pensións e contra a precariedade”. E sinalou que “estamos aquí para conseguir condicións básicas para unha vida digna para a xente».
O acto foi presentado polo candidato de Galicia En Común – Unidas Podemos, José Pérez Afonso amosou o seu agradecemento por poder participar deste proxecto “orgulloso de estar con todas loitando por un futuro digno».
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
