Ribadeo, 13 de novembro de 2019. A Banda Municipal de Música de Ribadeo ofrecerá o seu tradicional concerto de Santa Cilla o día 23 deste mes, sábado, ás 20:30 horas no auditorio Hernán Naval. O director da formación, David Ballester, salienta que nesta actuación debutarán nove músicos, que se incorporaron recentemente á banda, algo que considera moi importante.
Ballester explica que “novembro é un mes especial para os músicos, xa que neste mes é a nosa patroa, Santa Cilla, e como non podía ser menos a Banda Municipal de Música de Ribadeo o sábado 23 ás oito e media da tarde fará o seu concerto de Santa Cilla. Este ano será no auditorio Hernán Naval”.
O director da Banda ribadense engade: “como todos os anos, sempre me gusta que algúns dos integrantes da Banda actúen como solistas. Imos ter dúas obras nas que, nunha delas, seis clarinetes van ser solistas, e logo unha obra para trombón e banda na que un dos nosos trombonistas, Daniel, vai ser o solista”.
David Ballester engade que “o resto do concerto, como en anos anteriores, vai estar dedicado este ano a un arreglista que se chama Frank Bernaerts, e imos tocar obras que arranxou el de diferentes grupos. A gran maioría do repertorio vai estar por primeira vez nos atrís da Banda Municipal de Música de Ribadeo”.
Ballester salienta que “unha das cousas para min máis importantes e que nos fan falta agora mesmo na Banda é a incorporación de novos músicos. Neste día 23 de novembro van debutar coa Banda nove músicos, entre clarinetes, trompetas, trombón, percusión, o que é importante xa que, como pasa en todas as agrupacións, chega un momento en que algúns dos músicos teñen que marchar fóra por temas de estudos ou de traballo, e así redúcese a banda. Pero nesta ocasión pasa todo o contrario, en vez de marchar incorpóranse nove músicos e é algo importante para manter a nosa banda”.
O director da Banda ribadense quere “animar á xente que se atope por Ribadeo ese día a que se achegue ao auditorio Hernán Naval ás oito e media da tarde o sábado 23 de novembro”.
Nove músicos debutarán coa Banda Municipal de Ribadeo no seu concerto de Santa Cilla, que será o 23 deste mes no auditorio Hernán Naval
Relacionado
-
O Concello de Cervo garante a continuidade de Marmeladas A Morena no Centro de Emprendemento de Sargadelos
-
Barreiros acolle este venres un Túnel do Viño con 15 referencias tintas da provincia de Lugo
-
Acisa Ribadeo presenta unha publicación especial polos seus 37 anos e o Premio Nacional, coincidindo coa XII Gala Anual
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
