Lugo, 1, novembro, 2019. A presidenta provincial do PP e voceira do grupo popular na Deputación, Elena Candia, lamenta que o presidente do organismo provincial, José Tomé, deixara perder a oportunidade, na presentación o pasado xoves no Parlamento de Galicia das grandes liñas do proxecto de orzamento para 2020, de concretar aspectos fundamentais da xestión da institución que dirixe. Un deses aspectos, segundo Candia, é que pensa facer coas residencias para maiores previstas pola Deputación, e máis concretamente cando pensa abrir as que están rematadas, e que cronograma ten para as demais. Neste sentido, recordou que o presidente da Deputación foi só eficaz unha vez desde o comezo do mandato e foi para crear alarma ao suxerir que pensaba renunciar a sacar adiante algunhas das residencias previstas. Tamén recordou que o persoal seleccionado para traballar nas residencias está á espera de que Tomé se decida a poñelas en servizo.
Para Candia, na presentación do orzamento provincial no Parlamento, quedou totalmente claro e reforzado o que di o PP desde case o principio do actual mandato: o presidente vive das rendas da anterior corporación provincial, na que se adoptaron acordos que seguen sendo as liñas principais da xestión provincial, como, a xuízo da presidenta provincial do PP, se puxo onte de manifesto. Como exemplo, citou o Plan Único.
A voceira popular na Deputación tamén viu claro, ao fío da exposición das grandes liñas do orzamento no Parlamento, que José Tomé está disposto a utilizar o seu cargo para manter de modo continuado un enfrontamento coa Xunta, máis sinaladamente co seu presidente, Alberto Núñez Feijoo. Candia di que esta maneira de actuar vai directamente contra os intereses dos residentes na provincia de Lugo e só demostra que Tomé necesita xustificar no enfrontamento con Feijoo o que non pode xustificar pola súa xestión á fronte da Deputación.
Por outro lado, Candia destacou o ton que utilizou José Tomé no resposta á intervención do deputado popular Daniel Vega. «Perdeu esa compostura impostada coa que quere dar unha imaxe extremadamente institucionalista. Pois quedou claro o talante do presidente da Deputación, algo que xa sabemos no grupo provincial do PP desde o mesmo momento en que tomou posesión e se encariñou desmesuradamente co cronómetro para controlar as intervencións nas sesións plenarias. Na exposición das grandes liñas do proxecto orzamentario para 2020 quedou moi claro: é un presidente que vive das rendas do traballo e acordos da anterior corporación e que ten un talante moi pouco tolerante por máis que queira disfrazalo de institucional».
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
