Foz, 22 de decembro de 2019. O Concello de Foz celebrou hoxe, domingo, os 40 anos de corporacións democráticas un acto moi emotivo, que se desenvolveu na Sala Bahía.
Neste evento xuntouse a familia institucional de Foz destes 40 anos sen apenas ausencias porque estiveron os catro alcaldes vivos de corporacións democráticas (Martín Beltrán, José María García Rivera, Javier Jorge Castiñeira e Fran Cajoto) e moitos dos concelleiros. A presentación correu a cargo da escritora, xornalista, e guionista focense Rosa Castro, que coñece moi ben a vida de Foz das últimas décadas. E o historiador focense Xoán Ramón Fernández Pacios fixo un importante repaso á historia de Foz, con referencias ao patrimonio e anécdotas de persoeiros do municipio ademais dun agradecemento aos dirixentes de Foz dos últimos 40 anos por levar ao pobo a onde está agora, na cabeza da Mariña tanto a nivel de poboación como de riqueza. O alcalde, Fran Cajoto, falou da importante deste tipo de actos para crear concordia e para que siga sendo puxante a vida social e política de Foz en toda A Mariña.
Os asistentes que formaron parte das corporacións municipais focenses nestes últimos 40 anos recibiron unha insignia e compartiron un viño galego, no que moitos comentaron que debería pensarse xa na celebración do 50 aniversario.
Entre os participantes houbo unanimidade á hora de salientar que este acto foi moi bonito e ben organizado, grazas ao traballo dos funcionarios do Concello e das concellerías de Comunicación e Relacións Institucionais e de Cultura.
O Concello de Foz celebrou este domingo os 40 anos de corporacións democráticas cun acto moi emotivo
Relacionado
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
