Lugo, 26 de decembro de 2019. O PSdeG-PSOE acadou en 2019 resultados “moi positivos” en Lugo baixo a dirección de Gonzalo Caballero, acadando niveis de apoio moi superiores aos do conxunto do partido en España tanto nas eleccións xerais de abril e novembro como nas municipais de maio. A dirección galega e a federal optaron pola renovación nas candidaturas de Lugo ás xerais poñendo a Ana Prieto e César Mogo como cabezas, e conseguiron pasar de un a dous deputados en abril e refrendalos en novembro.
Así pois, os resultados electorais do PSdeG na provincia de Lugo foron históricos en 2019 e afianzan ao socialismo galego para acadar o goberno da Xunta en 2020. O partido está totalmente encarrilado en Lugo e preparado para contribuír ao cambio en Galicia.
A dirección do partido en Lugo restou importancia aos posicionamentos dun militante de base que non representa máis que a si mesmo e cunha experiencia electoral propia que se circunscribe a Friol, cos resultados electorais coñecidos. Por iso, o PSdeG-PSOE de Lugo insta a Santos a que se centre nas súas responsabilidades como concelleiro en Lugo despois de que tivese que abandonar a secretaría provincial pola perda de apoio do partido na provincia. A militancia pide lealdade cos actuais secretarios xerais, Pedro Sánchez, Gonzalo Caballero e Patricia Otero, que foron elexidos democraticamente pola maioría e que representan a capacidade de frear ás dereitas.
Ademais, a secretaria provincial do PSdeG en Lugo, Patricia Otero, recordou que Gonzalo Caballero comunicou en decembro no último Comité Nacional, do que Álvaro Santos non é membro, que a dirección galega puxo en marcha a elaboración das bases programáticas para as autonómicas baixo a coordinación de Leiceaga, así como un laboratorio de ideas para conectar coa sociedade civil.
Finalmente, a presidenta de honor e o presidente do PSdeG de Lugo, Lara Méndez e José Tomé, respectivamente, chamaron ao conxunto da organización a traballar pola maioría social progresista que se evidenciou en Galicia nos últimos procesos electorais, para darlle un goberno enfocado cara o avance do país cando Feijóo convoque as eleccións.
Así as cousas, o presidente da Deputación, a alcaldesa de Lugo e a secretaria xeral provincial conclúen: “Hai proxecto, hai votos e Gonzalo Caballero será o próximo presidente da Xunta. Estamos en condicións de poñer fin a Feijóo”.
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
