Ribadeo, a 7 de febreiro de 2020.- O voceiro do Grupo Municipal do PP de Ribadeo, Daniel Vega, insistiu en que “os orzamentos aprobados polo goberno local do BNG para este ano 2020 non benefician a Ribadeo nin aos ribadenses”. Así o manifestou trala celebración do pleno ordinario correspondente ao mes de febreiro da corporación municipal no que “os distintos grupos manifestamos puntos de vista similares nalgúns temas coma o da demanda do arranxo da A-8 e falta de acordo noutros”, coma no caso da renovación do alumeado na parroquia de Couxela que pedían os populares.
En relación aos orzamentos municipais para o vindeiro ano, Vega criticou, en concreto, que “o investimento para esta anualidade será dun 29,7% menor que no pasado ano”; pero, pola contra, “suben os gastos nun 1,2%”. Se no 2019 o orzamento municipal de Ribadeo era de 9.206.000 euros, no ano 2020 o Concello disporá dun orzamento de 9.099.000 euros. Isto evidencia que “disporemos de 106.000 euros menos”.
A consecuencia disto, segundo o popular, “se o Concello investía 1.150.000 euros, no ano 2020 investirá 841.000 euros e, destes, 650.000 euros van a débeda, a crédito. De fondos propios, o Concello investirá só 980 euros”. Polo tanto, dende o Grupo Municipal Popular sinalan que “non hai planificación nin traballo” porque “non hai ningún convenio asinado con ningunha administración, nin coa Deputación, nin coa Xunta nin co Goberno do Estado”. Todo o contrario é o que defenden os populares do municipio que reivindican “unha xestión eficiente coa que lograr investimentos para Ribadeo”.
Tres mocións do PP
Vega destacou que “o Grupo Municipal do PP defendeu tres mocións en beneficio dos ribadenses dun total de cinco que foron presentadas neste pleno”. Os populares propuxeron instar ao Goberno do Estado a arranxar o pavimento da A-8 ao seu paso polo municipio, a crear un segundo acceso para a vila e outra conexión máis dende a variante de Ribadeo ata a estrada de Vilela, de titularidade provincial, para evitar o intenso volume de tráfico rodado de alta tonelaxe que discorre pola estrada dos Garitos.
Precisamente en relación a esta estrada pedían tamén os populares unha actuación inmediata para a súa mellora. A este respecto, Daniel Vega cre que “seremos capaces de buscar un entendemento entre todos cos veciños e veciñas para o arranxo desta vía dentro dunha colaboración institucional”.
Vega lamentou que “o grupo de goberno, do BNG, votase en contra da moción coa que reivindicabamos iniciar os trámites para a renovación do alumeado público da parroquia de Couxela”. Asegura o voceiro do PP que “dende o Grupo Popular agardabamos unanimidade sobre esta proposta coa que pretendíamos traballar todos xuntos a favor dos veciños e veciñas de Couxela”. O popular sinalou que, en definitiva, “o goberno do BNG de Ribadeo votou non a este necesario servizo para os veciños e veciñas desta parroquia”.
Melloras no centro da vila
Os populares tamén reivindicaron melloras para o centro da vila ribadense propoñendo o arranxo das rúas do casco histórico; ademais de investimento para o alumeado público porque “temos as rúas practicamente apagadas” e “iso ten que mudar”.
Por outra banda, dende o Grupo Municipal do PP pediron ao goberno local que “se paguen as subvencións nominativas en tempo e forma” porque “hai un retraso considerable -de preto dun ano ou, incluso, dous anos nalgún caso-”.
Traballo serio e propostas en beneficio dos ribadenses
O popular asegurou que “neste pleno demostrouse que este Grupo se toma en serio a política local porque estamos a propoñer iniciativas en beneficio dos ribadenses e tamén demostrou que lle interesa conseguir investimentos para todo Ribadeo”. Así mesmo, Vega avanzou que “seguiremos levando ao pleno propostas coas que intentar chegar a acordos con tódolos grupos políticos da corporación en beneficio dos ribadenses”.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
