Lugo, 4 de febreiro de 2020.- Galicia acadou en 2019 os mellores datos turísticos da súa historia rexistrando cifras récord en indicadores como a demanda ou a competitividade e consolidando a súa aposta pola calidade, a descentralización e a sustentabilidade. Avanzouno esta mañá o conselleiro de Cultura e Turismo, Román Rodríguez, durante a presentación do balance turístico da Comunidade no ano 2019. Realizouno na cidade de Lugo, posto que esta provincia foi a que experimentou un maior crecemento no último ano. No acto tamén estivo acompañado da directora da Axencia Turismo de Galicia, Nava Castro.
En total, segundo os datos do Instituto Nacional de Estadística (INE), Galicia rexistrou máis de 5,1 millóns de visitantes que realizaron preto de 11 millóns de pernoitas nos distintos establecementos de aloxamento regrado, acadando así a cifra de demanda turística máis elevada desde que hai rexistros, que se produce en paralelo a unha mellora nos aspectos vencellados á repercusión económica e cualitativa deste sector. Segundo o titular de Cultura e Turismo, estas cifras demostran que tras unha década de récord, a nosa Comunidade afronta o novo ciclo xacobeo “no mellor momento do seu turismo”.
Román Rodríguez estableceu unha comparativa cos datos de 2009 e explicou que na última década a cifra de turistas medrou por enriba dun 33% e a demanda incrementouse nun 23%, o que demostra o traballo da Xunta de Galicia por impulsar a actividade turística “sempre dun xeito sustentable e centrado na calidade e profesionalización do sector”.
Progreso do turismo internacional
En comparación coa media estatal, Galicia foi a Comunidade na que máis medrou a actividade turística, experimentando subas do 6% tanto na cifra de turistas como no volume de pernoitas, mentres que no resto do Estado o volume de viaxeiros creceu un 3% de media e o nivel de pernoitas un 0,5%.
No que respecta ás distintas tipoloxías, a nosa Comunidade bateu marcas tanto no referente ao turismo interno, cun alza do 3,7% no volume de demanda, como no turismo nacional, cun incremento do 6% no volume de pernoitas. Con todo, o maior crecemento rexistrouse no referente ao turismo internacional, con alzas de en torno ao 10% tanto na cifra de viaxeiros como de noites. Ademais, Román Rodríguez subliñou que na última década fomos quen de duplicar a cifra de visitantes internacionais grazas, en boa medida, ao labor de promoción levado a cabo por parte do Goberno galego.
Máis visitantes durante todo o ano
O conselleiro de Cultura e Turismo puxo en valor a aposta da Xunta pola desestacionalización da actividade turística, que tivo como resultado un incremento dos viaxeiros durante as tempadas media e baixa superior do 8,2 e o 5,3%, respectivamente, mentres que durante a tempada alta a alza foi do 5%. Así pois, seis de cada dez visitantes chegan fóra dos meses centrais do verán, o que demostra a capacidade de Galicia “para atraer viaxeiros durante todo o ano”.
No 2019 destacou ademais o aumento dos principais indicadores de calidade, como os ingresos do sector hoteleiro, que rexistraron a cifra máis alta da súa historia ao superar os 314 millóns de euros ao incrementarse só no último ano en preto de 20 millóns de euros, un 6,6%. Do mesmo xeito, melloraron outros parámetros como a ocupación hoteleira, sendo a nosa Comunidade a segunda onde máis medrou; as tarifas hoteleiras, cun alza do 2% no último ano, e a rendibilidade do sector hoteleiro, que creceu un 7% fronte ao 3,2% do resto do Estado.
Neste eido, Román Rodríguez subliñou o peso do turismo na nosa Comunidade ao exercer como elemento “tractor” da nosa economía. Precisamente, explicou que na actualidade son xa 123.772 os ocupados no sector turístico, un 3% máis e destacou o incremento do 3% no gasto dos visitantes.
Análise territorial
No que respecta á análise territorial dos datos, A Coruña e Pontevedra concentraron a meirande parte das pernoitas e turistas, se ben a maior evolución rexistrouna a provincia de Lugo, cun incremento do 12,4% no caso da demanda e do 13% no número de turistas. No referente ao número de pernoitas séguena A Coruña e Pontevedra con subas de en torno ao 5% e Ourense, cun incremento do 4,5%, mentres que no que atinxe á cifra de viaxeiros a segunda posición sería para Pontevedra, cun alza do 6,9% seguida de Ourense e A Coruña.
Entre os sete principais destinos urbanos Santiago de Compostela lidera o volume de pernoitas, con máis de 1,4 millóns, seguida da Coruña e Vigo. No referente aos xeodestinos, Román Rodríguez fixo fincapé na progresión de zonas con gran potencial de desenvolvemento como Ancares-Courel (+25,7%), Ría Muros-Noia (+21,2%) e Ría e Terras de Pontevedra (+13,7%), Terras de Ourense-Allariz (+13%), Lugo-Terra Chá (+11,8%) e Mariña Lucense (+9,5%).
Fortaleza dos hoteis
Máis do 70% da demanda turística correspondeu con establecementos hoteleiros, que incrementaron o seu peso no mercado nun 5%. Con todo, destaca especialmente a suba do turismo rural, unha tipoloxía que a Xunta vén impulsando especialmente traballando nunha estratexia que permita afondar na súa calidade e profesionalización. Así pois, o turismo rural acadou un máximo histórico rexistrando un crecemento superior ao 4% e superando as 228.000 noites.
Por último, o titular de Cultura e Turismo repasou as cifras do Camiño de Santiago, no que se selaron un 6,7% máis de Compostelas e se conseguiu acadar un novo récord de peregrinos, pechando o ano con preto de 350.000.
Máis de 10 millóns en investimentos
Neste sentido, Román Rodríguez fixo un balance positivo da evolución do turismo durante o pasado e celebrou que este sector siga avanzando da man da calidade. Precisamente, destacou a aposta do Goberno galego neste eido e explicou que só durante o ano pasado a Xunta investiu máis de 11 millóns de euros en máis de 900 iniciativas para o fomento dun turismo de excelencia apoiando tanto aos concellos como ao propio sector.
Entre as distintas liñas de actuación por parte do Goberno galego, o conselleiro de Cultura e Turismo destacou o investimento de máis de 3,4 millóns de euros para mellorar as infraestruturas turísticas de 120 concellos, 1,2 millóns de euros para modernizar máis de 70 establecementos de aloxamento, 800.000 euros para os distintos xeodestinos galegos ou os 228.000 euros para reforzar o persoal nas oficinas de turismo de 45 entidades.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
