Ribadeo, 19 de febreiro de 2020. Os Concellos de Ribadeo e de Barreiros van solicitar á Xunta de Galicia un obradoiro de emprego conxunto para a conservación e dixitalización dos seus arquivos históricos municipais. No caso de Ribadeo xa leva varios anos realizando este tipo de obradoiros e catalogando os seus fondos, pero aínda queda traballo por facer. Esta celebrarase un pleno extraordinario urxente no Concello de Ribadeo para abordar o convenio administrativo de colaboración co de Barreiros para o desenvolvemento dese obradoiro. E esta mañá Fernando Suárez e Ana Ermida visitaron o arquivo de Ribadeo.
O alcalde ribadense, Fernando Suárez, lembrou que “xa levamos varios anos traballando nesta dixitalización, ordenación e restauración do arquivo histórico municipal de Ribadeo, que ten varios séculos de antigüidade e con moitísima información, co cal é unha marabilla non soamente para os veciños senón para todos os estudosos da historia e tamén para o día a día dunha administración pública como é o Concello de Ribadeo”.
O rexedor sinalou que “con este éxito que desde hai anos estamos facendo con estes obradoiros entre a Xunta e o Concello, desta volta queremos dar un paso máis adiante e solicitar un novo obradoiro colaborando con Concello veciño de Barreiros, que ten unhas características no seu arquivo que tamén está desordenado, como estaba o noso e que nestes últimos anos fomos facendo grandes avances e melloras, pero que aínda non temos rematado. De aí que queiramos conxuntamente plantexarlle este novo proxecto á Xunta de Galicia para, se o ten a ben, nos volva sufragar un obradoiro destas características sabendo que o resultado do traballo, ademais do traballo que xera para a xente que participa neste obradoiro e para a súa formación, tamén para o Concello de Ribadeo é moi positivo”.
A alcaldesa de Barreiros, Ana Ermida, declarou que “no caso do Concello de Barreiros tratamos de aproveitar a experiencia e as sinerxias que poden xurdir co Concello de Ribadeo, porque este é un obradoiro no que eles xa levan anos traballando e que para Barreiros nos pode beneficiar, por un lado para poñer a disposición do público o arquivo histórico que poida existir, facelo público, dixitalizado e conservalo. Tamén para facilitar o traballo mesmo dos empregados municipais á hora de organizar o arquivo municipal e facilitar o acceso á información, ademais de contribuír á formación profesional das rapazas e rapaces entre 18 e 30 anos e así consolidar que poidan desenvolverse profesionalmente nos nosos concellos”.
Ana Ermida e Fernando Suárez pasaron esta mañá polo obradoiro Ribadeo alén do Camiño, que se desenvolve no Concello de Ribadeo e coñeceron o traballo que as súas 20 alumnas e alumnos están a realizar desde finais do pasado mes de novembro e ata o vindeiro mes de agosto. Tamén visitaron o arquivo histórico municipal, onde puideron ver planos dunha colexiata de 1787.
Ribadeo e Barreiros solicitarán á Xunta un obradoiro de emprego conxunto para a catalogación, conservación e dixitalización dos seus arquivos históricos municipais
Relacionado
-
Os socialistas de Vilalba destacan que “a boa xestión económica do concello” permite “manter o esforzo inversor e o elevado gasto social”
-
A Xunta licita por 540.000 € a subministración de reactivos e material funxible con destino aos laboratorios de anatomía patolóxica da área sanitaria de Lugo, A Mariña e Monforte
-
O Consello de Contas sitúa a Vilalba entre os concellos galegos cunha mellor xestión económica
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
