Lugo, 30 de marzo de 2020. O Presidente da Deputación de Lugo, José Tomé Roca, asinou un decreto que garante o mantemento de todos os contratos e o volume de facturación coas empresas adxudicatarias da prestación de servizos públicos da institución provincial, malia a diminución da actividade producida nalgún caso debido ao estado de alarma polo coronavirus.
José Tomé subliña que o obxectivo desta nova medida adoptada pola Deputación para paliar o impacto económico do Covid-19 é manter e protexer os postos de traballo contribuíndo “na medida das nosas posibilidades a que a viabilidade das empresas que prestan estes servizos na Deputación non se vexa resentida nestes momentos tan difíciles”. “Poñemos todas as medidas ao noso alcance para que non recorran a despedimentos ou expedientes de regulación temporal de emprego”, engadiu o Presidente, quen engadiu que esta medida responde ao compromiso social do Goberno que dirixe.
A Deputación mantén nas mesmas condicións de facturación que antes da crise os contratos para a prestación dos servizos nos centros de atención a maiores, vixilancia de dependencias provinciais, teleasistencia ou limpeza de edificios provinciais, entre outros.
Pola súa banda, o Presidente manifesta que, entre outras medidas que vén adoptando nos últimos días a Deputación, esta é “unha aposta decidida por manter o emprego, inxectar liquidez e asegurar a calidade dos servizos destas empresas que teñen contratos coa Deputación de Lugo.
A sinatura dun decreto para garantir os contratos e o volume de facturación coas empresas adxudicatarias da prestación de servizos públicos da institución súmase a outras medidas de carácter social e económico adoptadas pola Deputación para paliar o impacto desta crise, como a de adaptar o Plan Único 2020 para que os concellos da provincia poidan dispoñer de maiores recursos económicos fronte ao Covid-19; priorizar o pago a provedores da institución para inxectar liquidez nas empresas e contribuír deste xeito a que poidan pagar salarios e gastos correntes e manter así a súa actividade, ou a de reforzar o servizo de teleasistencia domiciliaria para facilitar información e recomendacións aos máis de 1.300 usuarios e usuarias.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
