Barreiros, 6 de marzo de 2020. O deputado do BNG no Congreso, Néstor Rego, realizou na mañá de hoxe unha visita institucional ao Concello de Barreiros, onde foi recibido pola alcaldesa, Ana Ermida e o goberno municipal.
Tras coñecer as instalacións municipais e asinar no libro de honra do Concello, mantivo unha reunión de traballo co goberno municipal, na que lle trasladaron as necesidades de Barreiros para a súa defensa en Madrid, insistindo nas demandas xa levadas polo goberno municipal aos Ministerios.
Finanzamento para a depuradora de San Miguel.
Tras a reunión mantida na casa consistorial, o deputado en Madrid visitou, acompañado do goberno e veciñanza, a praia de Arealonga e as instalacións das depuradoras de San Miguel e Reinante, onde lle amosaron in situ a situación que se produce, especialmente no verán, e que está a supoñer importantes prexuízos para o municipio barreirense.
Desde o goberno municipal insistiron en trasladar que os vertidos na praia de Arealonga están causando, ademais dun importante dano na imaxe turística do concello, consecuencias nunha zona especialmente delicada medioambientalmente, a escasos metros da praia das Catedrais e en zona de Rede Natura.
Néstor Rego tomou nota da situación e comprometeuse a “pór enriba da mesa nas negociacións dos Orzamentos Xerais do Estado a demanda barreirense para que goberno central e Xunta de Galicia se poñan a traballar para solucionar un gravísimo problema na depuración de augas residuais, que a Xunta ten a obriga de asumir, obtendo finanzamento de onde sexa preciso.”
Posta en valor do xacemento da Roda.
Ana Ermida trasladoulle tamén as xestións realizadas desde o Concello para a posta en valor e protección do xacemento de A Roda, onde Xunta de Galicia e Ministerio de Fomento deben traballar coordinadamente para actuar sobre el e evitar que se continúe a producir o seu deterioro.
O deputado do BNG comprometeuse a realizar todas aquelas xestións paralelas que sexan precisas para que as actuacións se leven a cabo no menor prazo posible, “xa que a protección do patrimonio cultural precisa de axilidade e inmediatez. Catorce anos de inacción e desprotección por parte dos gobernos son demasiados para un ben patrimonial da categoría do que estamos a falar”, asegurou.
A alcaldesa sinalou que é fundamental que o Ministerio de Fomento actúe para protexer e poñer en valor o xacemento, coa implicación da Xunta de Galicia, como administración competente en materia de Patrimonio e o compromiso do Concello de Barreiros de realizar as xestións precisas para facelo realidade.
Accesos ao polígono de Barreiros.
Outra das cuestións sobre as que o deputado nacionalista traballará en Madrid será sobre a necesidade de que se recolla a previsión de conexión directa do polígono de Barreiros co enlace da A8 e a A74 na futura execución desta.
Desde o goberno municipal amosáronlle a Néstor Rego o absurdo do deseño inicial, deixando o polígono barreirense sen un acceso directo, cando son escasos 100 metros os que separan o punto de conexión do mesmo.
Rego asegurou que “na tramitación que se poida realizar ao respecto, poremos enriba da mesa a necesidade do polígono de Barreiros, pola súa potencialidade e pola importancia de dotalo duns accesos óptimos que garantar o posible desenvolvemento do mesmo.”
Ana Ermida expresou o “agradecemento do Concello de Barreiros ao Deputado no Congreso pola súa preocupación e a súa receptividade á hora de recoller as demandas do noso Concello”. Pola súa parte, Néstor Rego púxose a disposición do goberno barreirense para desenvolver unha acción de goberno que permita transformar Barreiros e convertelo nun exemplo a seguir, con servizos e un aproveitamento sostible dos seus inmensos recursos.”
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
