Burela, 24 de abril de 2020. Dende a asociación de veciños “O Vencello” de Burela agardamos que a reunión do pasado mércores entre responsables da ACIA e o Goberno local sirva para materializar por fin axudas ao tecido comercial e empresarial da nosa vila tralo peche de actividade derivado da crise do COVID-19. Creemos que a devandita reunión tiña que terse realizado hai xa varias semanas e que os nosos responsables municipais adoeceron de axilidade á hora de acometer esta crise, pero aínda así valoramos
positivamente o anuncio do alcalde de que o Concello artellará liñas de axuda nos vindeiros orzamentos municipais para tal fin.
Ao mesmo tempo creemos que, ademais de artellar axudas para o comercio local, a Corporación municipal debe tamén adoptar outra serie acordos de cara a rebaixar a presión fiscal dos veciños deste municipio.
Neste sentido vimos de presentar un escrito hai uns días no rexistro municipal solicitándolle á Corporación a inmediata rebaixa dos custes e das esixencias administrativas para tramitar algunhas taxas municipais, coma a referida a ocupación de vía pública con materiais destinados á construción (andamiaxes, colectores de entullos, etc…). Consideramos que os trámites esixidos dende o Concello son abusivos e claramente discriminatorios en comparación con outros municipios veciños da comarca.
Así por exemplo, o propietario dunha vivenda que necesite ocupar durante unha xornada de traballo 8 metros de beirarrúa para acometer a limpeza dos canalóns da súa casa en Burela vese na obriga de ter que pagar por oito días de ocupación (é o mínimo de días fixados por este concello para poder conceder o permiso). Ademais, tamén ten que presentar un Estudo Básico de Seguridade e Saúde firmado por un técnico acreditado; mentres que en concellos coma Foz, Viveiro, Cervo ou Xove esta mesma taxa está estipulada por días e non é necesario presentar dito estudo técnico.
Deste xeito, o Concello de Burela cobra unha taxa de ocupación de 218€ pola ocupación da vía durante unha xornada; mentres que o de Foz so cobra 1,20€ e Viveiro 2,40€ (por poñer algúns exemplos).
Como dicimos, esta diferencia tan esaxerada débese fundamentalmente a que a tramitación deste permiso no Concello de Burela exixe a presentación dun Estudio Básico de Seguridade e Saúde firmado por un técnico (150€+IVA aprox.) mentres que nos outros concellos non é preciso este documento; pero aínda eliminando o devandito estudo técnico, a taxa en Burela sigue sendo claramente superior á de Foz ou Viveiro, xa que en Burela é obrigatorio solicitala por un tempo mínimo de oito días.
Este é so un exemplo da presión fiscal que teñen que soportar todos os veciños de Burela (autónomos, empresarios, asalariados… todos) e tralo acontecido coa paralización da economía pola pandemia do coronavirus creemos que vai ser inasumible. Por iso, solicitamos á Corporación municipal que traballen en artellar mecanismos legais que permitan a rebaixa das taxas e impostos municipais para o conxunto dos veciños e veciñas de Burela e que materialicen esas medidas no vindeiro Pleno de aprobación dos orzamentos previsto para maio.
Plenos en streaming
Por outra banda, valoramos tamén positivamente o anuncio do alcalde de que o pleno municipal do xoves vai ser transmitido en aberto vía streaming. Do mesmo xeito, desexamos que a partir de agora os vindeiros plenos sexan tamén transmitidos en directo, para maior transparencia, información e coñecemento da cidadanía das diferentes medidas e de todo o que lles afecta.
LU-P-1502
Por último, anunciar que vimos de recibir unha comunicación vía correo electrónico do Servizo de Vías e Obras da Deputación provincial respondendo a unha petición que lles formulamos hai uns días solicitándolles a mellora da estrada LU-P-1502 que comunica Burela co cemiterio municipal, co punto
limpo e tamén coas parroquias cervenses de Rúa e San Román.
Nesta comunicación de resposta, os técnicos provinciais comprométense a desprazarse á zona “en canto sexa posible” para comprobar as necesidades desta estrada. A vía atópase nun estado de abandono que pon en perigo a seguridade viaria. As cunetas están sen limpar, o que provoca que a auga corra pola estrada co conseguinte perigo para vehículos e peóns que transitan por ela; e tamén carece de valado “quitamedos” nalgúns tramos a pesares do gran desnivel que ten na maior parte do seu recorrido polo
termino municipal.
Agardamos, pois, que este anuncio de visita á zona se materialice o antes posible e poder, deste xeito, concretar as peticións formuladas polo noso colectivo de cara á mellora desta estrada.
A Deputada asistiu á tradicional procesión marítima pola ría de Viveiro, na que a imaxe da patroa do mar foi acompañada por barcos engalanados con bandeiras e flores. Durante o percorrido, homenaxeouse aos mariñeiros falecidos, nun emotivo acto de recordo e respecto. Posteriormente, a Deputada sumouse á subida da imaxe da Virxe e á celebración da misa solemne, á que asistiron centos de veciños e veciñas, destacando “a importancia de manter as tradicións mariñeiras e a identidade cultural da Mariña lucense”.
Tivo un percorrido de 11 km pola espectacular contorna do conxunto histórico-artístico da Fábrica de Sargadelos. Foi unha xornada deportiva única, marcada polo bo tempo e un excelente ambiente. Parabéns tamén a Marcos Gómez e Manuel Eiras, segundo e terceiro na categoría masculina, e a Nía Franco e Sonia González, segunda e terceira na categoría feminina.
Estivo organizada polo Kayak de Foz co apoio da Vicepresidencia da Deputación de Lugo. Máis de 150 palistas participaron na competicion que reuniu unha vintena de clubs de toda Galiza.
Os asistentes puideron escoitar nas últimas horas a Payton Pritchard, xogador dos Boston Celtics da NBA, que participou no campus a través dunha vídeo conferencia. O concelleiro de Deportes, Francisco José Silvent, comentou que “para nós é un orgullo que os rapaces que asisten a este campus teñan a posibilidade de escoitar a unha estrela da NBA. Non todos os días se contacta desde un campus dun concello como Ribadeo cun xogador deste calibre”. E engadiu: “sabemos que están gozando ao máximo desta experiencia”. O campus Sublime deu comezo o pasado domingo e rematará o 25 de xullo. Á cita asisten trinta rapaces.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
