Lugo, 13 de maio de 2020. No pleno extraordinario da Deputación solicitado formalmente polo PP co fin de debater e consensuar o Plan Poscovid, é dicir, as medidas de intervención directa da Deputación para axudar a superar a crise sanitaria e económica, os populares defenderán o uso dos remanentes de que dispón o organismo provincial para axudar ás empresas lucenses e para, en xeral, a reactivación da economía en Lugo. É preciso que a Deputación faga uso dos seus remanentes (como mínimo oito millóns do total de 67 millóns), para o fin indicado, canto antes para evitar que estes cartos poidan chegar a ser tutelados polo Goberno, tal como apuntou no Congreso, o pasado 30 de abril, a ministra de Facenda, co fin de cubrir aquilo ao que outras administracións non poidan chegar. Unha decisión deste tipo iría en contra da autonomía que a Constitución recoñece a municipios, provincias e Comunidades Autónomas, e crearía graves dificultades á Deputación para impulsar a reactivación do tecido produtivo da provincia. O portavoz popular, Javier Castiñeira avisa ao presidente, José Tomé: “Pedro Sánchez ten os ollos postos nos remanentes das administracións locais, como é o caso da Deputación; hai que investilos nun Plan Poscovid antes de que sexa tarde”
Os populares solicitaron un pleno extraordinario á vista de que o presidente da Deputación, José Tomé, non convocou sesión ordinaria en abril e rexeitou teimosamente as solicitudes do PP para que convocara unha reunión da xunta de portavoces; unha reunión cuxa finalidade sería a de analizar a situación na que se atopa a provincia a causa da dobre crise, sanitaria e económica, e establecer medidas de intervención directa do organismo provincial para axudar aos lucenses a superar a actual conxuntura. Unha das medidas que os populares defenderán no pleno extraordinario e a constitución dunha comisión formada por todos os grupos políticos e por representantes dos sectores produtivos e sociais, que debe ser a encargada de deseñar as medidas a adoptar pola Deputación, e avaliar o seu desenvolvemento.
O portavoz popular, Javier Castiñeira, recorda que o obxectivo do seu grupo é que a Deputación utilice os remanentes de que dispón para establecer axudas a empresas e autónomos; en síntese, ao tecido produtivo. “E hai que facelo canto antes, porque os lucenses precisan estas axudas e porque, se o Goberno avanza na liña esbozada pola ministra de Facenda, é moi posible que queira facerse cargo dos remanentes para os fins que considere máis adecuados”. Explica: “Se o Goberno fai tal cousa irá contra o principio de autonomía local recollido na Constitución. Pero o peor e que deixaría ao organismo provincial sen uns recursos que teñen que ser fundamentais para axudar aos nosos veciños a superar unha crise que xa crea e vai crear moitas dificultades en Lugo”.
O Plan Poscovid ten que incluír -di Castiñeira- unha decidida intervención na creación directa de emprego. Ademais do emprego que se derive da contratación de obras e servizos pola Deputación, é preciso estudar baixo que fórmulas se pode ampliar a contratación de traballadores pola Deputación.
O portavoz do PP insiste en ofrecer a súa colaboración e traballo para axudar aos lucenses a superar canto antes a crise sanitaria e as súas consecuencias económicas.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
