A Coruña, 9 de maio do 2020. O portavoz de Galicia en Común- Anova Mareas, Antón Gómez Reino, defendeu hoxe ás profesionais sanitarias de Atención Primaria en Galicia, que levan semanas alertando da inutilidade do estudo epidemiolóxico que lles encargou a Xunta en plena epidemia de Covid-19, e que lles impide centrar os seus esforzos en combater a epidemia.
“A sobrecarga de traballo á que a Xunta someteu con este estudo ás profesionais sanitarias, que loitan a diario por salvar vidas en toda Galicia, só ten sentido desde o interese electoral do presidente da Xunta”, dixo Gómez Reino.
O portavoz da coalición lembrou que numerosos expertos cuestionaron a idoneidade do estudo, e que organizacións como a Asociación Galega de Medicina Familiar e Comunitaria pediron á Xunta que o deteña para liberar ás enfermeiras dun traballo engadido que non ten perspectivas de ofrecer resultado algún que poida servir na loita contra a Covid-19 en Galicia.
“Para a cidadanía, ese estudo é un malgasto de diñeiro público e de medios humanos que se iniciou en plena emerxencia sanitaria e mentres Galicia se enfronta a unha gravísima crise socioeconómica. Para Feijóo, con todo, trátase dun investimento en propaganda electoral pagado co diñeiro de todas”, subliñou Gómez Reino.
O portavoz de Galicia en Común- Anova Mareas lembrou que Galicia segue en situación de alarma epidemiolóxica, e instou ao presidente da Xunta a esquecer os seus intereses electorais e centrarse en apoiar o traballo de quen combate a epidemia en primeira liña desde hai semanas.
Nese sentido, lamentou a postura do Partido Popular, que tanto en Galicia como no resto do Estado está a tentar utilizar a epidemia de Covid-19 como ferramenta política.
“Feijóo está a ser o mellor asesor dese PP de Casado e Ayuso que pretende converter unha traxedia cidadá nunha vantaxe electoral, utilizando para iso os medios e recursos da sanidade pública”, concluíu.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
