Burela, a 12 de maio de 2020. O Grupo Municipal do PP denuncia, unha vez máis “as artimañas e a falta de previsión do Sr. Llano”. E é que o rexedor, aproveitando a situación particular de alarma pola crise sanitaria, “pretende, mediante prácticas impropias dun alcalde dunha vila coma Burela, completar un dos seus anhelos políticos e cambiar o mercado dos venres para Torrentes”, afirman.
“Todo elo sen consensualo, ata onde nós sabemos, con ningunha asociación ou colectivo que directamente puidera estar afectado por este feito, enténdase como tal a Acia a Asociación de Veciños, os hostaleiros ou os propios comerciantes”, insisten.
Para os populares, o dirixente local demostra novamente “a súa absoluta falta de previsión e de capacidade de xestión, máxime cando xa hai días que se veñen celebrando mercados noutros concellos sen ningún tipo de problema e con tódalas garantías”, sinalan.
“Cambiar o mercado dos venres para Torrentes é unha temeridade innecesaria, sobre todo cando aínda non se aprobou o regulamento para o mesmo que xa prometera no mandato anterior”. Ademais, destacan, “nada garante que nin os comerciantes, tal e como se nos traslada dende este colectivo, nin os compradores habituais, veciños ou non de Burela, acudan a esta nova ubicación”.
Dende o PP pregúntanse “por que poñer en risco este aliciente económico e turístico para Burela que é o que representa o mercado dos venres?. Se pretende cambialo hai outras opcións que os comerciantes e os veciños verían con mellores ollos, tal e como se nos comentou. Pero é que nós consideramos que non hai un estudo rigoroso que o avale porque, se é coma noutros concellos onde só puideron acudir os comerciantes do sector da alimentación, o espazo para a distribución dos mesmos aumenta co cal se poderían garantir as correspondentes medidas hixiénico-sanitarias co correspondente proxecto técnico pero claro, aí xa toca traballar, e isto e o alcalde non casan na mesma frase”, advirten.
“Este son o tipo de actitudes que, dende o PP, consideran, que non deben de ser consentidas por aqueles que, facendo gala dunha máxima responsabilidade, poden evitalo na corporación municipal”.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
