Burela, 13 de xuño de 2020. O alcalde, Alfredo Llano, subliña que os seis socorristas que a Xunta lle subvencionará ao Concello de Burela son insuficientes para atender aos areais con bandeira azul e as esixencias marcadas para frear a expansión do Covid-19.
O rexedor dixo que “despois de tanto tempo agardando pola resposta da Xunta respecto aos socorristas é triste ver que dos 10 que pedimos no Concello de Burela déronos 6. É o menor número en todo o tempo que eu coñezo de socorristas na zona, porque parece ser que é unha cuestión que se nota en toda A Mariña, e en Burela concretamente”.
Llano sinalou que “evidentemente con 6 socorristas non amañamos porque nosoutros temos este ano tres praias con bandeiras azul e ademais é moi difícil coas esixencias que hai pola pandemia do coronavirus e por como hai que responder ante este reto para evitar que se expanda a pandemia. E precisamente cando máis se necesita que nos dean menos socorristas indica que non hai moito interese en favorecer aos concellos neste sentido”.
O alcalde burelés manifestou que “están a falar de que hai que ofrecer un bo servizo nas praias para atraer xente que veña ao noso litoral, pois é importantísimo que nos visiten loxicamente, pero se non se axuda para que teñamos mellores servizos é imposible”.
Para Alfredo Llano “é unha decepción porque con 6 socorristas igual teremos que prescindir dalgunha bandeira azul, o que é unha pena porque non é fácil acadalas. É un merecemento que ten a veciñanza de Burela o ter estas tres praias con bandeira azul e cun resultado de excelente na cualificación das súas augas nas 4 praias principais que temos: A Marosa, Ril, O Portelo e O Cantiño”.
O rexedor engadiu que “evidentemente xa tíñamos previsto que igual non nos concedían os 10 socorristas, pero contábamos con 8 polo menos, ao ter as tres praias con bandeira azul. Xa temos disposto contratar outros 2 socorristas, a través do Plan Único, pero se hai que contratar a 4 xa vai ser máis difícil. Xa veremos como é a resposta dos Concellos porque non se nos pode esixir algo que non se pode cumprir. Pero miraremos como podemos facer dalgún xeito para que a xente poida acudir ás praias con sensación de seguridade, que é o que pretendemos, pero desta maneira non é moi doado acadalo”.
O alcalde, Alfredo Llano, subliña que os seis socorristas que a Xunta lle subvencionará ao Concello de Burela son insuficientes
Relacionado
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
