Burela, 25 de xuño de 2020. O alcalde, Alfredo Llano, fai un balance moi positivo das XXVII Xornadas Técnicas Expomar que se celebraron esta mañá, a través de vídeo conferencia. O rexedor tivo palabras de agradecemento para ABanca por facilitar a plataforma que posibilitou esta cita, que foi clausurada pola conselleira do Mar, Rosa Quintana. Máis de 300 persoas seguiron as Xornadas. Mañá, venres, terá lugar o XXI Encontro Empresarial de Organizacións Pesqueiras.
O alcalde burelés contou que “hoxe tivemos a edición número 27 das Xornadas Técnicas. Fixémolo dunha maneira singular, foi a través de vídeo conferencia, porque evidentemente de forma presencial ía ser difícil. Non se puido facer cando correspondía, que era o 28 e 29 de maio, pero derivado do compromiso que temos desde a Fundación Expomar co sector náutico pesqueiro, pensamos que era necesario realizar, aínda que fose de maneira telemática, estas Xornadas. Agora mesmo o sector demanda varias solucións, claridade, certeza para seguir pescando onde viña pescando e unha serie de cuestións que cremos que eran importantes e así se fixo durante toda a mañá”.
Alfredo Llano explicou que “houbo dúas representacións, unha delas a través das administracións central e autonómica, e outra a través da patronal e das diferentes asociacións que teñen os armadores”.
O rexedor pensa que “estivo moi interesante. Expúxose de forma profunda e rigorosa o sentir de cada unha das partes. Houbo unha participación grandísima porque case chega aos trescentos seguidores, que de forma presencial sería difícil. Estivo todo coordinado por Javier Fraga, responsable de ABanca Mar, á que hai que darlle as grazas por asegurarnos unha plataforma para que saíra adiante a vía telemática. O peche foi a cargo de Rosa Quintana, a conselleira do Mar. Creo que estas Xornadas Técnicas tiveron un contido profundo, foi telemático pero tivo moita repercusión no sector. Penso que foi unha boa oportunidade para a xente que ten interese en ver como está o sector, como pode influír económica e socialmente esta actividade, que tanto nos preocupa e que debemos continuar con ela. Se non hai máis remedio que facelo telematicamente, pois hai que utilizar este sistema para facer as cousas o mellor posible”.
Llano engadiu que “que foi unha xornada extraordinaria, positiva, onde se participou dunha maneira rigorosa a través das administracións e do sector náutico pesqueiro, que sacaron unhas conclusións que se van presentar máis argumentadas mañá no Encontro Empresarial, que empezará sobre ás dez da mañá. Sacarán unhas conclusións que son sempre interesantes, esclarecedoras e motivadoras para pasalas tanto ás administracións como ao resto do sector, para seguir axudando, apoiando e definindo claramente o que quere o sector náutico pesqueiro. Culminaremos mañá esta edición, que é a 21 do Encontro Empresarial e a 27 das Xornadas Técnicas. Esperemos que sexa efectiva e que realmente veña consolidar un pouco o interese do pobo de Burela e do sector náutico pesqueiro de Burela con respecto aos temas que preocupan no sector tanto en Galicia, como en España como en Europa”.
O Alcalde de Burela fai un balance moi positivo das XXVII Xornadas Técnicas Expomar, que se celebraron a través de video conferencia e foron seguidas por 300 persoas
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
