Viveiro, 16 de xuño de 2020. Dende o goberno municipal quérese informar os veciños e veciñas de Viveiro das medidas establecidas, en relación con diversos servizos municipais, en virtude do Acordo do Consello da Xunta de Galicia, do 12 de xuño de 2020, sobre medidas de prevención necesarias para facer fronte á crise sanitaria ocasionada polo COVID-19, unha vez superada a fase III do Plan para a transición cara unha nova normalidade e ata o levantamento da situación de emerxencia sanitaria de interese galego efectuada polo Acordo do Consello da Xunta do 13 de marzo de 2020.
– Establécense as medidas para compaxinar o traballo presencial co teletraballo para todos aqueles traballadores que poidan realizar a súa actividade laboral a distancia nos servizos administrativos, garantindo en todo caso e en todos os servizos municipais, por parte de todos os traballadores, a atención presencial á cidadanía mediante cita previa
– Mantense pechada a gardería municipal, o centro de atención a alzheimer, os centros socioculturais e locais sociais, así como as instalacións municipais cedidas á entidade Aspanane nas que se presta o servizo de centro de día a persoas con discapacidade.
– Acórdase a apertura da biblioteca municipal, con efectos dende o 22 de xuño de 2020, establecendo que a ocupación das salas non poderá superar en ningún momento o 75% da súa capacidade máxima permitida.
– Mantense a apertura das instalacións deportivas municipais (campos de fútbol e pavillóns deportivos).
– Acórdase a apertura da oficina de turismo con efectos do 1 xullo de 2020,
establecendo que non se poderá exceder en ningún momento do 75% da súa capacidade.
– Acórdase a apertura dos parques infantís municipais con efectos do 22 de
xuño de 2020.
– Atendendo ás especiais características das súas instalacións, en aras a
preservar a seguridade e saúde pública e á necesidade de adopción de medidas específicas para poder proceder á súa apertura, acórdase manter pechadas as instalacións da piscina municipal e o Teatro Pastor Díaz.
– Acórdase manter abertas as instalacións da Praza de Abastos e do Matadoiro Municipal.
– Respecto ás instalacións da UNED, Conservatorio e Colexios estarase ao
disposto por parte da Xunta de Galicia ao respecto da súa reapertura.
– Acórdase manter aberto o cemiterio municipal de luns a venres en horario de 9:00 a 13:30 horas e os domingos en horario de 9:00 a 13:30 horas. A partir do 1 de xullo, o cemiterio municipal abrirá no seu horario habitual.
– Co fin de garantir a seguridade e saúde pública manteranse pechados os baños públicos municipais, a excepción dos baños públicos municipais ubicados nas praias, para os que se estará á regulación que se estableza por este Concello.
– Permitirase o uso de locais ou instalacións municipais para a realización de actividades permitidas segundo a Resolución de 12 de xuño da Secretaría Xeral Técnica da Consellería de Sanidade.
– Acórdase o mantemento da actividade ordinaria dos servizos da Policía Local, Protección Civil, así como dos servizos das Brigadas de Obras e Parques e Xardíns.
Finalmente, o prazo de vixencia destas medidas manterase en tanto dure a situación de emerxencia sanitaria de interese galego efectuada polo Acordo do Consello da Xunta do 13 de marzo de 2020. Non obstante, estas medidas serán sometidas á revisión necesaria de acordo coa evolución da situación, así como para a súa adaptación ás normas, protocolos, guías ou plans que se diten polas autoridades competentes, que resulten de obrigado cumprimento ou en base aos que resulte procedente a súa modificación.
Entre as medidas establecidas no Acordo do Consello da Xunta de Galicia, do 12 de xuño de 2020, figuran as seguintes:
– Poderán abrir os locais de discotecas e demais establecementos de lecer
nocturno a partir do 1 de xullo, sempre que a evolución da situación
epidemiolóxica así o aconselle.
– Deberán permanecer pechados mentres non se dite resolución por parte da consellería competente en materia de política social as seguintes instalacións: escolas infantís, ludotecas, residencias de tempo libre, albergues e campamentos xuvenís, centros sociocomunitarios de benestar, centros de atención diurna, centros ocupacionais e casas de maior, entre outros.
– O resto de locais ou establecementos poderán realizar a súa actividade cos requisitos e aforo establecidos na Resolución de 12 de xullo, da Secretaría Xeral Técnica da Consellería de Sanidade, pola que se dá publicidade do Acordo do Consello da Xunta de Galicia, do 12 de xuño de 2020, sobre medidas de prevención necesarias para facer fronte á crise sanitaria ocasionada polo COVID-19, unha vez superada a fase III do Plan para a transición cara a unha nova normalidade, establecendo como regra xeral un aforo do 75 % da súa capacidade.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Debido á instalación dos postos, non será posible realizar o sistema habitual de «quita e pon», polo que se instalarán contedores fixos nos puntos indicados no plano elaborado para tal fin. Ademais, colocaranse contedores de reforzo nas seguintes localizacións: Praza Maior. Rúa Irmáns Vilar Ponte. Rúa Fernández Victorio. O Concello agradece a colaboración da veciñanza e do sector hostaleiro no uso responsable dos contedores, recollida de residuos xerados nos espazos cedidos, así como que estes espazos sexan mantidos en condicións axeitadas.
O sábado a partir das 21h espectáculo de narración oral a cargo de Lîlâ Teatro coa obra "Estremonías da Silva" e á súa finalización, música tradicional con Os Carricantos. O domingo, toca sesión vermut da man de José Brea & Miguelón a partir das 13h, para disfrutar dun aperitivo antes do xantar. Como sempre, acompañado das tapas de Galiana e do mellor ambiente.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
De volta no obradoiro, estes verdadeiros artistas puxeron toda a súa creatividade para elaborar preciosos marcos personalizados. Cada marco é único, feito con moito agarimo e cun anaquiño da nosa costa.
