Viveiro, 16 de xuño de 2020. O Concello de Viveiro quere manifestar publicamente o seu malestar coa Xunta de Galicia ao non concederlle a subvención para a contratación temporal de persoas en situación de risco de exclusión social perceptoras da renda de integración social de Galicia (Risga), convocada mediante a Orde do 20 de decembro de 2019, que o concello solicitou dentro do prazo establecido.
No artigo 2 desta convocatoria, referido ao financiamento, figura o importe global do crédito consignado, que ascende a 7.698.398 euros. Así mesmo, establécese que “para os efectos de garantir unha distribución o máis equitativa posible dos recursos entre os distintos concellos que poidan participar nesta convocatoria, asignarase a cada entidade solicitante unha axuda inicial equivalente ás contratacións que lle correspondan en función do número de persoas perceptoras da Risga, de conformidade co tramo en que se atope cada un segundo a seguinte escala: a) Ata 10 persoas perceptoras da Risga: ata 2 contratacións. b) De 11 a 50 persoas perceptoras da Risga: ata 5 contratacións. c) De 51 a 100 persoas perceptoras da Risga: ata 10 contratacións. d) De 101 a 700 persoas perceptoras da Risga: ata 20 contratacións. e) De máis de 700 persoas perceptoras da Risga: ata 40 contratacións”.
En base a isto e tendo en conta que o Concello de Viveiro se sitúa no tramo de 51 a 100 persoas perceptoras da Risga, corresponderíanlle ata 10 contratacións.
No seu artigo 11, referido ao procedemento, establécese que “O procedemento de concesión das solicitudes presentadas ao abeiro desta orde axustarase ao disposto no artigo 19.2 da Lei 9/2007, do 13 de xuño, de subvencións de Galicia, dado que polo obxecto e finalidade da subvención non resulta necesario realizar a comparación e prelación das solicitudes presentadas nun único procedemento”. É dicir, o procedemento de concesión é de concorrencia non competitiva ata esgotamento do crédito orzamentario.
O Concello de Viveiro non recibiu notificación de concesión de prazas para contratación en virtude desta subvención. Consultada telefonicamente, infórmasenos de que só se notificou aos concellos que recibiron axuda e que se esgotou o crédito, polo que ata transcorrer o tempo dado aos concellos beneficiarios para facer as contratacións e ver se se produce algunha renuncia, non nos poden confirmar se imos ter dereito a axuda para algunha contratación ou non.
A convocatoria de 2019 tivo exactamente a mesma dotación presupostaria (7.698.398 euros) e ao Concello de Viveiro concedéronlle as 10 prazas que lle correspondían por número de Risgas. Nesta ocasión, cando a Xunta de Galicia aproba a orde ten unha previsión dos perceptores de Risga que hai en cada concello, polo que a subvención foi convocada consignando un crédito inferior á realidade existente. Dende o goberno municipal considérase que non pode ser que se convoquen as subvencións e que o crédito sexa insuficiente, sobre todo tendo en conta a situación na que nos atopamos, cando Galicia acaba de pasar á “nova normalidade” e moitas das esixencias desta nova situación recaen sobre os concellos, que teñen que intensificar as labores de limpeza e desinfección.
As dez persoas que lle corresponderían ao Concello de Viveiro ían ser destinadas á limpeza das praias, era un persoal co que xa se contaba e que é moi necesario. Ten acontecido con outro tipo de convocatorias, por exemplo para a execución de obras, que o crédito consignado se esgotase e que a este concello se lle denegasen subvencións, pero neste caso é diferente, pois a Xunta sabe os beneficiarios de Risga que hai en cada concello.
Da mesma maneira, tamén se quere manifestar o malestar do goberno municipal polo número de socorristas concedidos -os mesmos que o ano pasado-, que resultarán insuficientes para atender todas as praias cando este verán, ademais, vai ser necesario adoptar máis medidas e precaucións, atendendo ás esixencias establecidas.
Considérase que a Xunta de Galicia quixo ir de abandeirada sendo a primeira comunidade autónoma en abandonar o estado de alarma, para quedar ben publicamente e dando a entender que todo vai ben; mentres os concellos se atopan na difícil situación de adoptar unha serie medidas de control, protección, limpeza e desinfección para as que non dispoñen de medios.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
