A Mariña, a 20 de xullo de 2020. “Agora necesitamos dilixencia e actuacións contundentes por parte do Goberno español e galego”. Esta foi a demanda que trasladou a CIG na reunión telemática da mesa multilateral de Alcoa que hoxe tivo lugar, tan só unhas horas despois da xuntanza do período de consultas do ERE que a multinacional se nega a paralizar. Nesta liña, o secretario xeral da CIG, Paulo Carril, demandou a convocatoria dunha reunión presencial na que o Ministerio de Industria oficialice as xestións realizadas dende o 23 de xuño para desenvolver a súa proposta industrial, na que todas as partes “queden retratadas nos seus posicionamentos” e avanzar na ruptura do “fatal desenlace” de parada das cubas e despedimentos que quere a empresa.
Carril subliñou que estamos en vésperas do remate do período de consultas do ERE pero o plan industrial segue sen materializarse e Alcoa non quere vincularse con ningún escenario formulado nesa proposta: socio inversor que acompañe á multinacional na produción de aluminio primario ou venda da fábrica. “É a hora de actuar e pór en marcha os mecanismos para a intervención pública da planta porque non temos alternativa. Toda os esforzos na reunión de hoxe coa empresa foron para discutir se se ampliaba unha semana ou dúas o período de consultar; é dicir, métenos nunha ruleta rusa nos próximos días sen saber cal vai ser o resultado final”.
Sobre a intervención pública, dende o Ministerio botaron balóns fóra e descargaron esta responsabilidade na Xunta de Galiza, pois entenden que o Goberno español xa está “intervindo”, pero noutra liña “que non é a que nós demandamos”, matizou Carril. O secretario xeral da CIG insistiu na urxencia da situación e na necesidade de “acompasar” as accións por parte das administracións e as organizacións sindicais para acadar unha saída de futuro e viábel. “O Goberno español e a Xunta de Galiza deben de actuar xa, porque ao final superaranos o tempo na negociación do ERE fronte á alternativa que presente o Ministerio”.
Durante a reunión, a CIG reclamou unha vez máis que se atenda a problemática específica do persoal das auxiliares e que se contemple a estes traballadores e traballadoras en calquera saída que se busque para o complexo, tendo en conta ademais que Alcoa se nega en redondo a abordar a situación no emprego das súas contratas e subcontratas, malia ser persoal que opera en exclusiva na factoría de San Cibrao.
A CIG demanda do Ministerio e da Xunta actuacións contundentes e a convocatoria dunha mesa multilateral presencial
Relacionado
-
Os socialistas de Vilalba destacan que “a boa xestión económica do concello” permite “manter o esforzo inversor e o elevado gasto social”
-
A Xunta licita por 540.000 € a subministración de reactivos e material funxible con destino aos laboratorios de anatomía patolóxica da área sanitaria de Lugo, A Mariña e Monforte
-
O programa Nnabata atende 139 persoas migrantes en Burela no marco do proceso de regularización
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
