Foz, 20 de xullo de 2020. O Concello de Foz organiza un ciclo de teatro infantil que se desenvolverá desde mañá, martes, ata o 25 de agosto no pavillón do colexio Número 1. Foi presentado esta tarde polo alcalde, Fran Cajoto, e o concelleiro de Cultura, Héctor Moris.
Os espectáculos serán todos ás 21.00 horas e con entrada gratuíta. Haberá limitación de aforo e será obrigatorio a asistencia con mascarillas.
Fran Cajoto explicou que “este ano 2020 é un verán un pouco distinto porque temos que aprender a utilizar a mascarilla, andar con sentidiño en todos os ámbitos da vida e usar ese distanciamento social. Pero non nos podemos esquecer da cultura e en Foz gústanos moito que, tanto para os veciños como para os visitantes, en tempada de verán haxa actividades que fagan aínda máis atractiva a vila e sexan unha escusa perfecta para gozar de Foz. Nese sentido queremos presentar este ciclo de teatro, que é unha das apostas habituais en verán e que vai ser todos os martes ás nove da noite no pavillón do colexio Número 1. Comeza este martes, día 21, coa compañía Magín Blanco e a obra A nena e o grilo máis alo. Son distintas compañías que van actuar en Foz ata o 25 de agosto. Está moi enfocado aos nenos para que poidan desfrutar desas obras e que nos evadan un pouquiño da realidade e nos fagan pensar en mundos que hai máis aló. Tedes aquí unha cita para vir a Foz”.
As compañías son todas profesionais galegas excepto a do martes 18 de agosto, cando actuará a única amater, que é o grupo de teatro infantil de A Adala, de Fazouro.
Mañá, martes, comeza o ciclo cun espectáculo teatral musical para toda a familia con Magín Blanco: A nena e o grilo máis alo. Talía Teatro, con Boa Voa!, estará o martes 28 de xullo. En agosto, o luns 3 actuará Caramuxo Teatro, con Pavillón Lino, e o martes 4 Redrum Teatro Contos do Recreo. O martes 11 Producións Teatrais Excéntricas ofrecerá Cartoóns e o martes 18 o grupo infantil de Teatro A Adala poñerá en escena a obra Dragón e Cabaleiro. Pechará o ciclo a maxia de Cayetano Lledó.
O presuposto total desta actividade ascende a 14.000 euros e está subvencionado polo AGADIC, dentro da Rede de Teatros e Auditorios da Consellería de Cultura da Xunta de Galicia, e o Concello de Foz.
O Concello de Foz organiza un ciclo de teatro infantil que se desenvolverá desde este martes ata o 25 de agosto
Relacionado
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
