Santiago de Compostela, 17 de xullo de 2020.- A Consellería de Infraestruturas e Mobilidade, a través de Augas de Galicia, vén de activar a situación de prealerta por posibilidade de seca hidrolóxica na comarca de Ortegal e na Mariña lucense.
Esta situación aplícase só ás bacías da conca do río Mera e dos ríos máis pequenos que desembocan nas rías de Ortigueira e Cedeira (sistema 15); e nas concas dos ríos da Mariña lucense que desembocan no mar Cantábrico (sistemas 16, 17, 18 e 19). O resto das concas da demarcación hidrográfica Galicia-Costa manteñen o estado de normalidade.
En concreto, na comarca de Ortegal aplícase ás bacías dos concellos de Ortigueira, Cedeira, Cariño, Cerdido e parte das Somozas, Moeche e Valdoviño. Nos sistemas da Mariña lucense inclúe as bacías dos municipios do Vicedo, Mañón, Ourol, Viveiro, Sober, Cervo, Burela, O Valadouro, Alfoz, Foz, Mondoñedo, Lourenzá, Barreiros, e unha parte de Ribadeo, Muras e As Pontes.
A activación da prealerta realízase como aviso temperá para prepararse con suficiente antelación ante un eventual escenario de seca, e que implica un incremento do seguimento continuo dos caudais nos ríos nestas zonas. Ademais supón o reforzo deste seguimento con inspeccións da gardería fluvial para comprobar o estado dos ríos e dos seus ecosistemas asociados e realízase un seguimento da evolución das posibles incidencias que poidan producir relacionadas coa auga.
O seguimento continuo da situación hidrolóxica que Augas de Galicia leva a cabo nas bacías da súa competencia, indican que os datos destas concas presentan unha abundancia hídrica sensiblemente inferior á situación que se considera normal para esta época do ano, no que respecta aos niveis e caudais circulantes polos ríos da zona.
Aínda que neste momento non se agardan problemas de abastecemento, desde Augas de Galicia, seguindo o protocolo definido no Plan de Seca, tomouse a decisión de activar o estado de prealerta por posibilidade de seca hidrolóxica para este sistemas coa fin de poder coordinar de forma máis eficaz, co resto de administracións implicadas, medidas preventivas para paliar os posibles efectos dunha seca hidrolóxica, de considerarse necesario.
Normalidade nas bacías restantes
As restantes concas da Demarcación Galicia-Costa presentan unha situación de normalidade, xa que os encoros rexistran unha porcentaxe alta de volume encorado e con caudais e niveis de auga nos ríos normais para a época do ano.
Non obstante, Augas de Galicia mantén un seguimento continuo da evolución da totalidade de encoros e ríos, situación que trasladará a vindeira semana nunha reunión da Oficina Técnica da Seca (OTS), que está formada por técnicos de Meteogalicia, Medio Rural e Augas de Galicia, que se encargarán de interpretar a situación e coordinar as diferentes actuacións que se consideren necesarias nesta situación.
Augas de Galicia recomenda ás administracións locais adoitar as medidas necesarias para reducir o consumo urbano da auga naqueles usos prescindibles ou accesorios e promover os mexases de aforro á poboación. Tamén se fai un chamamento á cidadanía en xeral para facer un consumo responsable da auga e, de xeito especial, nas zonas nas que se activa a prealerta.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
