Viveiro, 5 de xullo, 2020. A cabeza de lista do BNG ao Parlamento Galego por Lugo, Olalla Rodil, o nº2 por Lugo, Dani Castro, e a concelleira nacionalista Míriam Bermúdez, estiveron en Viveiro hai uns días, antes de cancelar a campaña na Mariña, visibilizando a aposta do Bloque por vilas e cidades pensadas para as persoas e respetuosas co medio e co patrimonio. Acompañadas por representantes do BNG viveirense, percorreron algunhas rúas da vila en bicicleta, un medio de transporte que permite reducir a presenza de vehículos nos centros urbanos.
Olalla Rodil fixo fincapé en que o “uso da bicicleta e a humanización das vilas e cidades forman parte dos eixos fundamentais da formación nacionalista, destacando a “vida” que gañan estas cando se peonalizan e humanizan. Tamén puxo sobre a mesa a necesidade desta moción do BNG viveirense para mellorar a seguranza viaria estabelecendo como velocidade máxima 30 km/h nos núcleos urbanos, así como de dotar de estacionamentos para bicicletas os lugares de interese turístico, zonas urbanas e tamén lugares públicos do concello.
A concelleira Míriam Bermúdez anunciou que o BNG viveirense rexistrou para pleno a moción que xa presentara á veciñanza hai un mes para un Viveiro ciclábel, dando a coñecer esta moción as asociacións, colectivos e partidos políticos do Concello de Viveiro, de forma presencial, outros como a través do seus correos electrónicos, outros chamando por teléfono, en prensa dixital e escrita, como tamén a través das redes sociais do BNG de Viveiro. A nacionalista afirma que “ningunha asociación se mostrou en contra da moción, todo o contrario, apoiáronnos e foron varias as que nos fixeron as súas aportacións e que fomos engadindo a esta moción”, afirma a concelleira do BNG en Viveiro. Por outra parte, “tamén lla entregamos a todos os partidos da corporación municipal para que nos fixeran as súas aportacións e modificacións, mais ningún partido quixo trasladar as súas inquedanzas nin participar nesta moción, polo que no BNG queremos entender que estarán a favor de cada un dos puntos ao non querer consensuar nada, pois son básicos e necesarios todos eles.”.
O que pedimos nesta moción é o mínimo para comezar unha nova etapa en Viveiro, a cal inclúe un punto para crear unha Comisión de estudo e seguemento, co fin de comezar e continuar no tempo ampliando os viais de preferencia ciclista coa creación de carrísbici ao longo de todo o concello. Permitindo a participación nesta Comisión á veciñanza, tanto a título individual como aos membros das asociacións interesadas (veciñais, deportivas…) do municipio, así como aos partidos politicos de Viveiro. “O que pretendemos con esta Comisión é ir mellorando o rol da bicicleta en Viveiro, pois no BNG temos claro que é o camiño a seguir”, afirma Bermúdez, que di que “nesta comisión poderánse concretar tempos, datos económicos e investimentos, incluíndo o de crear un sistema de alugueiro de bicicletas municipal, unha medida que facilita moitísimo o uso deste medio e que avanza con éxitos en todos os lugares nos que o implementou”.
Míriam Bermúdez remata dicindo que “son propostas que o que teñen de ambiciosas téñenno de básicas e necesarias, calquer persoa que viaxara un mínimo puido constatar como todas as cidades que progresan, están a apostar por este tipo de mobilidade que só trae beneficios.”
Olalla Rodil argumentou que “este tipo de iniciativas dirixidas para avanzar cara a vilas e cidades máis humanas, con espazos públicos pensados para as persoas son políticas que levan a marca do BNG. “Este debate está agora máis presente ca nunca pero o BNG leva anos apostando nestes modelos nas cidades e vilas nas que goberna coma Pontevedra, Allariz, Carballo ou Lugo”. E destacou que “a mobilidade sostíbel é un dos eixos da Axenda Urbana Galega 2020-2030 incluída no programa electoral do BNG, a cal recolle unha batería de medidas orientadas á creación de vilas e cidades amábeis, inclusivas e compactas, con equipamentos e servizos de proximidade e un pequeno comercio dinámico.”
Ao redor das 16:00 horas deste sábado, a Garda Civil informou ao 112 Galicia da presenza de dúas persoas atrapadas nunhas rochas, ás que a subida da marea impedía regresar a terra. Pouco despois, os xestores do Centro Integrado de Atención ás Emerxencias puideron contactar tamén cos implicados, que indicaron que se atopaban fronte a Pena Furada e confirmaron non podían volver polos seus propios medios. Desde o 112 Galicia alertouse a Salvamento Marítimo, ao Servizo de Gardacostas de Galicia, que mobilizou a auxiliar Mar de Galicia, e ao GES de Ortigueira. A embarcación recolleu en bo estado a ambas persoas, que foron trasladadas ao porto de Cariño.
O mandatario provincial trasladou persoalmente, en nome da institución provincial, as súas máis sentidas condolencias, así como o seu desexo dunha pronta recuperación para as persoas feridas. A continuación Tomé Roca asistiu á misa na igrexa parroquial e, posteriormente, participou na tradicional procesión ata o altar instalado na Nave de Redes do Porto. O percorrido realizouse sobre a alfombra floral elaborada polos veciños e veciñas da localidade, que este ano rende homenaxe á gastronomía e á figura do artista Xosé Vizoso.
Ocorreu na rúa de Viladaide Praia Altar. O 112 Galicia tivo constancia do accidente a través do persoal de Urxencias Sanitarias de Galicia-061, pouco antes das 13 horas: dous vehículos acababan de colidir e unha persoa permanecía no interior dun eles, incapaz de abrir a porta. Os Bombeiros de Barreiros tiveron que empregar o seu material de excarceración para extraer á persoa en condicións de seguridade. No operativo participou tamén a Garda Civil de Tráfico.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
A vítima sofrira feridas moi importantes nunha perna. Finaba a primeira hora deste sábado. Outras 5 persoas atropeladas no sinistro continúan en planta no hospital da Mariña.
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
O programa está dirixido a nenos e nenas de entre 3 e 12 anos. Desenvolverase de luns a venres nas instalacións do CEIP Manuel Fraga Iribarne entre o 1 de xullo e o 29 de agosto, todos os días en horario de 9:30 a 14:30 horas. Constará de varias actividades coas que os nenos e nenas poderán aprender mentres se divirten. Tamén se tentará, sempre que o tempo permítao, programar diversas saídas.
