Lugo, 8 de xullo de 2020. O Presidente da Deputación de Lugo, José Tomé Roca, asinou un convenio de colaboración co Concello de Viveiro e coa Xunta de Galicia para a redacción do proxecto que sirva de base para o acondicionamento do río Fontecoba, no barrio de Xunqueira, co fin de reducir os riscos de inundacións tras a grave riada de finais do 2018. José Tomé firmou o acordo este mércores, tras recibilo onte da Xunta de Galicia.
A institución provincial destina para elaboración do proxecto 23.000€, repartidos en 3.000€ para a anualidade do 2020 e de 20.000€ para a do 2021-, ao igual que as outras dúas institucións-, o que suma un total de 69.000€.
O proxecto contemplará un conxunto de actuacións que pasan, entre outras, polo aumento e naturalización do leito do río, construción dunha pasarela de acceso alternativa, reforzar as cimentacións que foron danadas, ampliación das de dúas pontes, fonte, eliminación de edificios e ruínas pegadas ao leito do río e reubicación do lavadoiro.
O Presidente subliña que o apoio económico a estas actuacións responde ao compromiso da Deputación de Lugo coa lealdade institucional e coa colaboración entre administracións públicas para sacar adiante actuacións en beneficio dos veciños e veciñas, “sobre todo cando estamos falando de seguridade, e ata da vida das persoas”.
José Tomé considera esta actuacións prioritarias e subliña a importancia de axilizalas o máximo posible. “Tras o grave episodio de inundacións de novembro de 2018, no que faleceu unha veciña deste barrio viveirense, non podemos permitir que esta situación se repita e, por iso, debemos actuar dende a máxima lealdade institucional e dende a responsabilidade”.
Cemiterio de Altamira
Ademais desta colaboración, a Deputación ten aprobado un investimento de máis de 113.000€ para a redacción do proxecto e a execución das obras para arranxar as graves deficiencias que provocou a riada do 2018 no cemiterio municipal de Altamira. A institución provincial ofreceu unha resposta rápida á petición do Concello de Viveiro para arranxar as patoloxías e deficiencias estruturais producidas no muro de contención sur do recinto.
Os investimentos comprometidos pola Deputación ascenden a 113.175,21€, dos que 16.940 corresponden á cooperación na redacción do proxecto e 96.235,21 ás obras.
O Presidente asina o convenio co que a Deputación colabora coas obras para reducir o risco de inundacións en Xunqueira
Relacionado
-
O PPdeG destaca as axudas da Xunta de máis de 500.000 € a seis concellos de Lugo para obras de eficiencia enerxética en infraestruturas municipais
-
CCOO denuncia que o Sergas bate récords históricos de listaxes de agarda mentres a Xunta inxecta 26 millóns de euros en controlar as baixas médicas
-
Patricia Otero acusa ao PP de Lugo de poñerse do lado da especulación e en contra das familias
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
