Lugo, 20 de agosto de 2020. A Deputación de Lugo organiza actividades gratuítas de lecer en espazos fluviais da provincia adaptadas á nova normalidade para promocionar o turismo interior e de natureza. Dende este venres, 21 de agosto, ata o 6 de setembro desenvolveranse sete xornadas con actividades acuáticas de kaiak, paddle surf, inchables e outros xogos en contornas fluviais dos concellos da Pontenova, Alfoz, Trabada, Guitiriz e Navia de Suarna.
Cada xornada durará tres horas e poderán participar maiores de 6 anos de idade, que disporán dun coordinador e seis monitores encargados de dirixir e supervisar as actividades.
A Deputada de Promoción do Territorio e Turismo, Pilar García Porto, destacou que a situación sanitaria provocada pola COVID-19 “obríganos a reinventarnos moitas veces e a adaptar á nova normalidade as actividades que viñamos facendo ata o de agora para preservar o máis importante, que é a saúde pública. Está claro que podemos seguir saíndo e desfrutando, dinamizando o turismo, a economía e o emprego, pero doutra maneira. Iso foi o que fixemos na Deputación de Lugo coas actividades de lecer en espazos fluviais”.
Este verán, engadiu “ofrecemos de novo esta alternativa de lecer para promocionar o turismo interior e de natureza, pero aplicando todas as medidas de seguridade establecidas e recomendadas polas autoridades sanitarias: dende a realización das actividades por grupos reducidos de 10 persoas, circuítos de entrada e saída, control da temperatura, hixiene de mans, uso de máscaras e mesmo un axente anti-covid para controlar as medidas preventivas e a desinfección do material. Todo para que se poidan desenvolver minimizando riscos, con todas as garantías posibles”.
A inscrición pode facerse unha hora antes do inicio de cada actividade ou chamando ao número de teléfono 636.504.155. As persoas interesadas en obter máis información poden dirixirse á web da Deputación www.deputacionlugo.gal
Medidas de seguridade fronte á Covid-19
Para garantir a seguridade fronte á Covid-19, aplicarase un rigoroso protocolo de prevención coas medidas establecidas polas autoridades sanitarias. A participación será por grupos cun aforo reducido de 10 persoas, que rotarán polas diferentes actividades e acompañados sempre do mesmo monitor. Contarase coa presenza dun axente anticovid para controlar as medidas preventivas e a desinfección do material da zona. Antes do inicio, tomarase a temperatura, entregaranse máscaras e tomaranse datos dos participantes, que disporán de hidroxel e auga con xabón para a hixiene de mans. Todo o persoal irá previsto cos EPIS correspondentes e as zonas estarán delimitadas con circuítos de entrada e saída.
Calendario das actividades fluviais
A PONTENOVA, Pozo da Ola
Venres 21 de agosto, de 16 a 19 horas
Xoves 27 de agosto, de 16 a 19 horas
NAVIA DE SUARNA, praia fluvial
Sábado 22 de agosto, de 16:30 a 19:30 horas
GUITIRIZ, Parga
Domingo 23 de agosto, de 16:30 a 19:30 horas
Domingo 6 de setembro, de 16:00 a 19:00 horas
ALFOZ, área recreativa de Carballido (A Naranxa)
Luns 24 de agosto, de 16 a 19 horas.
TRABADA, Ría de Abres
Domingo 30 de agosto. De 15:00 a 18:00 horas
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
