Lugo, 25 de agosto de 2020. A Deputada de Réxime Interior, Promoción do Territorio e Turismo, Pilar García Porto, deulle a benvida este martes aos participantes nas Xornadas de Introdución á Creación de Experiencias de Ocio e Turismo da provincia de Lugo que acollen as dependencias do Centro de Formación dos Servizos Audiovisuais da Deputación de Lugo. A actividade enmárcanse dentro da programación do I Congreso de Turismo Experiencial que se celebrará en Lugo no mes de setembro e co que colabora a institución provincial, o Concello de Lugo e a Xunta.
Nesta acción participaron 30 persoas. Desenvolveuse en dúas sesións de 4 horas e media: unha pola mañá con 15 persoas e outra pola tarde con outras 15. O aforo estivo limitado desta maneira seguindo os protocolos e recomendacións sanitarias establecidos para a prevención da Covid-19.
Debido ao éxito destas xornadas, pois esgotáronse as prazas ofertadas, ábrese o prazo de inscrición para realizar unha nova sesión o día 2 de setembro, de 9:00 a 13:30 horas. A partir deste martes pódense anotar todas as persoas interesadas na web: www.congresoturismoexperiencial.com.
Esta iniciativa aborda aspectos vencellados co turismo de experiencias. Os profesionais reciben asesoramento para mellorar a súa actividade e información sobre ferramentas axeitadas para deseñar, crear e comercializar as súas propias experiencias turísticas. Son impartidas por técnicos especialistas de turismo que pertencen á entidade Experiencias del Destino, como Antonio Armesto, director técnico; Berta Ramos, voceira do I Congreso Nacional de Turismo Experiencial; Agustín Rico, Chief Browth Officer de Experiencias del Destino; e Belén Encabo, coordinadora técnica do congreso.
Entre os participantes na xornada de hoxe atópase unha gran diversidade de persoas procedentes de diferentes sectores vencellados ao turismo e a posibles beneficiarios do valor engadido que xera o sector: guías turísticos, propietarios de balnearios, hoteis, comerciantes, produtores ou profesionais do sector cultural.
A Deputada de Turismo resaltou que o que se pretende “é axudarlles a potenciar as súas actividades, servizos ou produtos realizados na nosa provincia. Temos a materia prima e cómpre saber sacarlle o mellor partido”.
García Porto subliñou que estes encontros “seguen a estela do traballo de reactivación do sector que facemos dende a Deputación e que englobamos dentro da campaña EN LUGO, SI a través da que desenvolvemos iniciativas como as xornadas Abrindo as portas: o rexurdir do turismo ou un curso de formación para a profesionais en novas medidas sanitarias”. Así mesmo, a Deputada loou a actitude e profesionalidade do sector dende os inicios da pandemia xa que “amosou e segue a amosar o sentido da responsabilidade e a capacidade de sacrificio para asumir decisións que condicionan a súa actividade ou mesmo que chegaban a interrompela, co conseguinte agravio económico”.
Respecto á propia temática do encontro, García Porto puxo o foco en que “os expertos sinalan que hai que apostar por un turismo de valor engadido, de experiencias, sen masificacións e que contribúa ao desenvolvemento sostible do territorio. Uns valores sobre os que xa se sustenta a nosa oferta turística e que debemos potenciar aínda moito máis”.
A Deputada de Turismo convida ás persoas que se dedican a este sector na provincia e tamén a aquelas que desenvolven unha actividade que pode ser obxecto dunha experiencia turística, a que se anoten na segunda edición das xornadas. “É un espazo aberto no que se fomenta a participación co obxectivo de xerar un ecosistema colaborativo na nosa provincia. En Lugo contamos cun grande abano de recursos turísticos para crear experiencias diferentes e atraer visitantes e é agora na nova normalidade onde temos que ver o noso territorio como unha oportunidade espremer ao máximo as súas características”.
Difusión das iniciativas
Aos participantes nestas xornadas dáselles a oportunidade de amosar e promocionar as actividades creadas nesta acción no evento Lugo Experience, que terá lugar a fin de semana do 19 e o 20 de setembro. Lugo Experience será un escaparate de experiencias da provincia de Lugo que poderán ver os asistentes ao primeiro Congreso Nacional de Turismo Experiencial, os visitantes e a veciñanza da provincia.
Ademais, poderán participar en Lugo Experience todos aqueles profesionais que xa teñen produtos, servizos e actividades experienciais creadas con anterioridade ás xornadas. Deben anotarse na web www.congresoturismoexperiencial.com para participar nun webinar de Introdución á Creación de Experiencias de Ocio e Turismo da Provincia de Lugo que terá lugar o día 2 de setembro, en horario de 16:30 a 18:30 horas.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
