Mondoñedo-Ferrol, 11 de setembro de 2020. O santuario mariano dos Remedios, en Mondoñedo, centrará a atención diocesana este domingo, 13 de setembro, coa celebración, ás doce do mediodía, da MISA SOLEMNE PONTIFICAL en honra da Santísima Virxe, na súa advocación dos Remedios, patroa da cidade e de toda a Diocese de Mondoñedo-Ferrol.
A cerimonia será presidida polo bispo diocesano, P. Luís Angel das Heras Berzal, cmf, que, coa súa homilía, dará resposta á tradicional ofrenda á Virxe por parte dos antigos partidos xudiciais no territorio diocesano. A ofrenda, que vén realizando desde fai xa oitenta e dous anos, correrá este ano a cargo da alcaldesa de Vilalba, Elba Veleiro Fernández.
A celebración non será allea, loxicamente, ás actuais circunstancias. Polo que se observarán todas as medidas vixentes relativas tanto ao aforo permitido como ao medidas socio-sanitarias de protección. Desde o Bispado, rógase a comprensión e colaboración de todos, ao mesmo tempo que se lembra que, tamén, haberá Misa ás 10, ás 11 e ás 13 horas, e xa pola tarde, ás 18 e ás 20 horas.
Na mesma liña, hai que sinalar que para evitar aglomeracións ao redor da imaxe da Virxe, esta permanecerá na súa camerín no altar maior do santuario, é dicir, onde se atopa durante todo o ano. Como xa se comunicou o pasado mes de agosto, o Bispado considera que o máis apropiado, nestes momentos, é a non celebración de procesións, aínda que sexa un sacrificio para todos, tamén para confrarías, portadores e asociacións relixiosas, ás que, con maior motivo, agradécese a súa devoción e comprensión.
Non haberá, pois, procesión ao finalizar a Misa Solemne. Cabe sinalar, aquí, a iniciativa do goberno local de Mondoñedo de instalar unha pantalla xigante na alameda contigua ao santuario, para que todas aquelas persoas que o desexen poidan seguir a Misa coa ofrenda á Santísima Virxe.
Como patroa da Diocese de Mondoñedo-Ferrol, encomendámonos á nosa Señora (do mesmo xeito que ao noso patrón, San Rosendo) para que xuntos, pois estamos na mesma barca, poñamos da nosa parte o necesario para superar a pandemia e as súas dramáticas consecuencias para tantos irmáns nosos. Virxe Santísima dos Remedios, roga por nós!
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
