O BNG de Foz esixe a mellora do protocolo de vixiancia e control da vespa velutina

Foz, 21 de setembro, 2020. O Concello de Foz adheriuse ao Convenio da Xunta de Galiza coa Fegamp para a coordinación de actuacións no desenvolvemento do programa galego de vixiancia e control fronte á avespa Asiática, mais tivo que suplir as numerosísimas eivas do mesmo. O plan limítase a eliminación de niños polo que o Departamento de Medio Ambiente do Concello de Foz tivo que facer fronte polos seus medios ao trampeo das raiñas que realmente e o desexable. Grazas a esta decisión propria do Concello, acadamos en Foz unha importante reducción de niño primario, mais non foi abondo. Por que unha vez establecido os niños, as ferramentas que aporta a Xunta no convenio son coma sempre, insuficientes. Nin coordinación nin investimentos. Propoñen a eliminación/neutralización de niños activos de velutina pero sempre que estén situados a menos de 25 metros do chan, pero tamén a realización de actuacións que procedan cun tempo de resolución dos avisos dun máximo de 5 días laborais. Os tempos non se cumpren, e sempre hai atrancos para o acceso os niños especialmente se a área non está desbrozada o que permite a empresa escollida po la Xunta eludir moitos dos avisos. Os servizos de protección civil do Concello deben facer fronte a situacións incribles como a retirada recente dun niño en pleno casco da vila contando co apoio dos parque de Bombeiros da Deputación dado a inacción da empresa da Xunta. Tendo en conta que este insecto afecta principalmente á produción apícola e que tamén ten repercusións sobre a biodiversidade e a seguridade cidadá, semella incrible que estemos ainda regateando cos recursos e tirando os cartos públicos nunha empresa que non cumple coas espectativas.
O GRUPO MUNICIPAL DO BNG PROPON AO PLENO SOLICITAR A CONSELLERÍA DE FACENDA (agora con competencias en Administracións Públicas) que asegure e confirme o axeitado cumplimento do Convenio para control da Vespa Velutina.