Burela, 11 de setembro de 2020. O Concello asinou un convenio co Burela FS, que seguirá a facer promoción do concello nos seus desprazamentos tanto nacionais como internacionais. A contía do convenio ascende a 15.000 euros.
O alcalde burelés, Alfredo Llano, declarou que “onte comezamos a asinar convenios con diferentes entidades, asociacións e colectivos deportivos, culturais e de calquera outra índole porque é unha obriga que o Concello estea colaborando con todo aquilo que sexa positivo para Burela, como pode ser o Burela Fútbol Sala Pescados Rubén”.
O rexedor sinalou que “asinamos ese convenio para este ano. É unha contía duns 15.000 euros, pero hai que ter en conta que realmente este club está favorecendo dunha maneira extraordinaria o deporte base, inculcando valores para as persoas que empezan unha actividade deportiva, a través das escolas deportivas. O noso obxectivo claro é favorecer todo o deporte base e inculcar unha serie de valores que son moi bos para toda a vida”.
Llano subliñou que “colaboramos con este club polo deporte base, pero sobre todo pola difusión extraordinaria que fai este club de Burela por todos os lugares polos que pasa, tanto sexa a nivel galego como por España e a nivel internacional. Hai que ter en conta que os dous equipos deste club están en Primeira División, tanto o feminino como o masculino. Son un exemplo de comportamento e de logros deportivos. Por esa razón estamos apoiando e queremos apoiar a este club, e por iso asinamos este convenio. Espero que sigamos así durante moito tempo e desde logo que esta forma de facer deporte, esta forma de facer xestión deportiva, sexa moi boa para o conxunto da poboación de Burela e motivadora para o conxunto da poboación que teña interese polo deporte”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
