A Mariña, 3 de outubro de 2020. A Mancomunidade fai unha valoración moi positiva do programa A Mariña en Ruta, que se desenvolveu durante os meses de agosto e setembro. 327 persoas gozaron da oferta de rutas ofrecidas e amosáronse partidarios de volver repetir a experiencia e consideran que debería ter continuidade. O ente supramunicipal anunciará ao longo dos vindeiros días o calendario de roteiros programados para este outono.
O pasado 26 de setembro remataban os roteiros programados para agosto e setembro de A Mariña en Ruta, que contaron cunha moi boa acollida. O proxecto, promovido pola Mancomunidade de Concellos da Mariña Lucense, co apoio da Xunta de Galicia e da Deputación de Lugo, e coordinado pola empresa de ecoturismo Maremasma, puxo en valor o rico patrimonio cultural e natural da Mariña Lucense con 21 roteiros únicos durante este atípico verán 2020 marcado polo Covid19.
Entre as diferentes propostas os participantes nas rutas viaxaron ao pasado a través da xeoloxía entre volcáns no Vicedo, descubriron a incrible natureza da Serra do Xistral, coñeceron o enorme patrimonio cultural de Mondoñedo e Lourenzá, percorreron ecosistemas fluviais, intermareais e costeiros de gran valor ecolóxico e biolóxico, entre outras moitas actividades. Andainas a pé disfrutando ao aire libre e diversificando a oferta do xeodestino en base a aspectos menos coñecidos da comarca en cada un dos municipios que a conforman: Ribadeo, Barreiros, Foz, Burela, Cervo, Xove, Viveiro, O Vicedo, Mondoñedo, Alfoz, Valadouro, Ourol, Riotorto, A Pontenova, Trabada e Lourenzá.
Desde a Mancomunidade de Concellos da Mariña subliñan que “esta iniciativa desenvolvida durante os meses de agosto e setembro contou cunha alta participación, un total de 327 persoas disfrutaron de A Mariña en Ruta, cubríndose o 92% das prazas dispoñibles. Unha demanda que superou as expectativas iniciais e que demostra o gran tirón das propostas de ecoturismo como un enfoque diferenciador de disfrutar das actividades turísticas en contraposición do turismo tradicional ou de masas. Persoas de diferentes procedencias, participaron neste programa que tiña por obxectivo reactivar a actividade turística da comarca despois do duro golpe tralo brote de Covi19 no mes de xullo, puideron descubrir lugares pouco coñecidos pola gran maioría a través dun programa novidoso, diferenciador, diverso, inclusivo e adaptado a todo tipo de público que puxo en valor o patrimonio natural e cultural da Mariña Lucense”. A maioría dos participantes foron da provincia de Lugo, seguidos da Coruña, Madrid, Gipuzkoa, Ourense, Asturias, Araba, Pontevedra e Valladolid. O perfil do público foi variado, con numerosos grupos, familias con nenos, xente que veu en parella ou participantes que veñen sos atraídos pola variada oferta do proxecto.
Diferentes axentes locais e profesionais do sector especialistas en cada área de traballo formaron un equipo de enorme calidade humana, que foi base fundamental da iniciativa. Claudia del Pino, Fran Canosa, Pedro Rolle, Guido Álvarez, Noela Feal e Óscar Chao mostraron os segredos menos coñecidos da comarca. As valoracións dos participantes cara os guías e axentes locais foi excelente, cunha puntuación media de 9.6 sobre 10.
Desde a Mancomunidade indican que “do mesmo xeito, a enquisa de satisfacción realizada polas persoas que participaron en A Mariña en Ruta non deixa lugar a dúbidas: o 100% repetiría a experiencia, o 100% cre que esta iniciativa dinamiza a oferta turística, o 100% cre que debería seguir no tempo e o 100% recomendaría o roteiro realizado. Cunha valoración media da organización de 9.4 e da iniciativa no seu conxunto de 9.7 sobre 10”.
E anuncian que “visto o éxito do proxecto, co obxectivo de traballar na desestacionalización e axudar a dar a coñecer as potencialidades do xeodestino fóra dos meses de verán, dende a Mancomunidade vese oportuno ampliar a oferta de rutas durante o outono, con máis roteiros e novas propostas para incentivar un ecoturismo de calidade na zona e axudar, na medida das posibilidades, a dinamizar a comarca nestes meses difíciles para o sector. O novo programa de rutas de A Mariña en Ruta para este outono farase público próximamente na páxina web do proxecto enruta.amarinalucense.gal e a través das redes sociais de Turismo da Mancomunidade”. Mais info:
@amarinalucense.turismo
@visitamarinalucense
@amarina_turismo
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
