Viveiro, 22 de outubro de 2020. O Concello de Viveiro informa que, no día de hoxe, se publicou a resolución de nomeamento do tribunal designado no proceso para a selección de dous administrativos funcionario interino por acumulación de tarefas e de citación dos seus membros, o dia 28 de outubro, para a súa constitución e a elaboración do listado de admitidos e excluídos no proceso.
O nomeamento de persoal funcionario interino por exceso ou acumulación de tarefas establecese con carácter excepcional e circunstancial por un máximo de seis meses dentro dun período de 12. A acumulación de procementos pendentes no servizo de contratación conlevou ao inicio do referido proceso selectivo, procedéndose á súa convocatoria o 10 de marzo de 2020.
A convocatoria deste proceso selectivo publicouse no BOP de Lugo o 12 de marzo de 2020. Catro días despois decretouse o Estado de Alarma, suspendéndose os prazos administrativos, o que levou á suspensión deste procedemento ata o día 1 de xuño.
En cumprimento do establecido na normativa estatal de aplicación á administración local, os servizos de carácter administrativo deste concello viñeron desempeñándose nun primeiro momento de forma telemática na súa totalidade e con posterioridade compaxinando o traballo telemático co traballo presencial.
Esta modalidade de traballo permitiu que algúns traballadores doutros departamentos puidesen colaborar na tramitación dos expedientes que se atopaban pendentes no servizo de contratación, cuestión que con anterioridade non resultaba posible polo día a día do traballo presencial.
Esta colaboración fixo posible a tramitación dunha gran cantidade de procedementos de licitación, por ese motivo, dende o goberno municipal paralizouse temporalmente este proceso para valorar se coa modificación destas circunstancias resultaba necesario continuar coa súa tramitación, xa que está dirixido única e exclusivamente ao servizo de contratación.
Tras valorar a evolución da situación, decidiuse continuar coa súa tramitación e, desta maneira, proceder á selección de dous administrativos funcionarios interinos por acumulación de tarefas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
