O Observatorio da Mariña pola Igualdade organiza unha xuntanza na honra de Begoña Caamaño logo de ser galardoada o ano pasado na III edición dos premios que a Deputación da Coruña adica á figura da escritora

A actividade, que busca “poñer en valor o legado cultural da feminista”, así como “a senda de sororidade que deixou cos seus escritos” celebrarase no Lugar das Marías da Rigueira (Xove), e gozará dunha xornada de mañá e tarde, onde se poderá desfrutar da lectura dalgún dos textos da escritora, dun xantar e dun obradoiro de máscaras. A cita concluirá coa actuación musical da mariñá Carme Rodríguez.