Lugo, 27 de outubro de 2020. O Pleno da Deputación aprobou hoxe, a proposta do Grupo Provincial Socialista, reclamar á Xunta de Galicia transparencia nos datos de contaxios e unha liña de diálogo e colaboración permanente cos alcaldes e alcaldesas e coa propia institución provincial para combater a Covid-19. O acordo saíu adiante co apoio dos grupos de Goberno e cos votos en contra do PP.
A voceira socialista do Goberno, Pilar García Porto, salientou que dita interlocución ten que ter en conta á FEGAMP, xunto cos rexedores e rexedoras das 7 grandes cidades, os presidentes da Deputación e os rexedores dos municipios afectados para consensuar liñas de actuación efectivas. Así mesmo, acordouse pedir á Xunta que informe diariamente, de forma telemática, aos concellos que teñan positivos por Covid-19 dos datos que lles afectan de xeito claro e transparente.
García Porto denunciou que desde setembro “os alcaldes e alcaldesas galegos veñen reclamando á Xunta información real sobre a evolución da pandemia, isto é, datos numéricos por municipio. A FEMP rexeitou publicamente o mapa de cores -verde, amarelo, laranxa e vermello– ofrecido pola Xunta, porque non permite ós responsables públicos contar coa información que precisan para deseñar as súas medidas. Porque ante a pandemia non valen colorines, fan falta números concretos”.
“Ante a chegada dunha nova ola de contaxios, a Xunta volve de novo á actitude da primavera, de non escoitar ós concellos. Xa o fixo cando o inicio de curso, negándose a asumir o custe das tarefas de desinfección dos colexios e institutos co argumento, xa desmontado polos xuristas, de que eso era parte das tarefas de limpeza. Os concellos galegos están gastando millóns en desinfección, mentres a Xunta segue sen achegar ós concellos parte deses 100 millóns de euros xa recibidos como parte dos fondos de loita contra a Covid”, censurou a Deputada provincial.
Neste eido, García Porto asegurou que “a Xunta non pode ignorar de novo á administración local, a que de verdade está a pé de rúa, á que os veciños e veciñas reclaman información, e á que a propia Xunta reclama colaboración no cumprimento das medidas. A mellor colaboración pasa por escoitar ós alcaldes galegos antes de deseñar as medidas, comunicarllas a eles antes de aprobalas. Porque a Xunta segue a actuar sen ter en conta cousas que xa aprendemos: que as residencias requiren atención específica; que moitos centros de saúde quedan sen médicos se estes teñen que ir visitar ós pacientes ás casas; e que as tarefas de desinfección de colexios e outros edificios públicos acadan cifras millonarias que cumpre contemplar”.
Sanidade pública no rural
O Pleno provincial tamén lle deu o visto bo, coa abstención do PP, a unha proposta do Grupo Provincial Socialista para reclamar á Xunta de Galicia que cubra a praza de médico que vai quedar vacante por xubilación en Escairón, no concello do Saviñao.
A voceira socialista do Goberno explicou que o concello do Saviñao é un bo exemplo da realidade do rural lucense e da Galicia interior ao contar cunha poboación de aproximadamente 3.750 veciños e veciñas, espallados nunha extensión de 197 km2. “Cunha dispersión e envellecemento da poboación tan grande esíxese un esforzo á hora de deseñar o mapa dos servizos públicos e garantir a calidade dos mesmos, especialmente no que respecta á sanidade pública”, asegurou García Porto.
A Deputada aclarou que O Saviñao conta cun ambulatorio en Escairón, a súa capital, no que veñen prestando servizo 3 médicos de atención primaria e un pediatra. A estes súmase o médico que atende o consultorio de Currelos. “Pero os veciños e veciñas están preocupados ante a xubilación dun dos doutores que pasa consulta no centro de Escairón, pola actual política do Sergas de aproveitar as xubilación para facer recortes de persoal”.
A voceira socialista do Goberno explicou que é necesario que a Xunta de Galicia “poña fin á política de recortes na sanidade pública galega, especialmente no rural. Entendemos que a práctica de converter as xubilacións en recortes supón non só unha merma nos servizos que reciben os veciños e veciñas do rural, senón un desprezo ós propios médicos, que ven como o remate da súa carreira profesional se pecha cun deterioro da atención sanitaria que recibirán no futuro os seus pacientes”.
Así mesmo, García Porto puxo varios exemplos destes recortes por parte do Goberno de Feijóo na provincia, como en Guitiriz, Taboada, Monforte, A Pontenova, Xermade, Meira ou Folgoso do Courel, “evidenciando a precariedade dos servizos públicos de Sanidade”.
Neste senso, García Porto reclamou ao Goberno autonómico a elaboración dun plan de avaliación real das necesidades da sanidade rural galega, tendo en conta ratios como poboación, dispersión, envellecemento ou a pegada do coronavirus, “contemplando, como horizonte de mínimos, a recuperación do persoal tal e como se atopaba no 2009, pois nesta década de Goberno de Feijóo perdéronse máis de 900 camas de hospital e 1.100 profesionais de Atención Primaria na nosa comunidade”.
Impulso á Autovía Lugo-Ourense
A Corporación provincial aprobou por unanimidade unha moción do Goberno para demandar ao Executivo do Estado un impulso significativo a Autovía A-56, de Lugo a Ourense, nos vindeiros Orzamentos do Estado.
O Deputado de Promoción Económica e Social, Pablo Rivera Capón, subliñou que “defendemos a proposta como sempre facemos os socialistas de Lugo á hora de reclamar infraestruturas para a nosa provincia, non só no que respecta á comunicación coa Meseta, senón tamén coas comunicacións interiores, para fomentar a mobilidade das persoas e a competitividade do sector produtivo”.
Rivera Capón salientou que esta proposta “ten un dobre sentido reivindicativo. Dunha parte, reclamar que se lle dea un pulo a estas obras. E facelo porque esta autoestrada estivo parada case unha década, ou sexa, durante o mandato do señor Rajoy e a ministra Ana Pastor. Tivo que chegar un Goberno progresista de novo para reactivar unha obra que beneficia ás dúas provincias galegas do interior, dúas provincias que pola súa orografía precisan mellorar o trazado das vías que as comunican, para non estar afastadas entre si”.
Aprobada a Conta Xeral do 2019
O Pleno tamén aprobou, coa abstención do PP, a Conta Xeral do ano 2019 da Deputación e de SUPLUSA. A Deputada de Economía, Recadación, Facenda e Contas, Mayra García Bermúdez, explicou que este é un trámite administrativo que “fai unha foto fixa da situación contable da institución a 31 de decembro de 2019, ao que non se presentou ningún tipo de reclamación e que aprobamos amplamente dentro dos prazos establecidos”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
