Lugo, 27 de outubro de 2020. O BNG promoveu un acordo do Pleno provincial para solicitar ao goberno do Estado que os orzamentos de 2021 inclúan avances nos tramos lucenses da A-56 (Lugo-Ourense) e a licitación do intercambiador de Guntín, que enlaza esta vía coa A-54 (Lugo-Santiago) .
O BNG fixo fincapé na necesidade de avanzar na construción dunha infraestrutura que, segundo datos da Xunta de Galizia ten 250.000 usuarios directos potenciais e que, tras vinte anos de incumprimentos dos distintos gobernos do Estado, só conta con 9 quilómetros en uso entre A Barrela e San Martiño.
Na exposición da moción, que se presentou como proposta do goberno provincial, o voceiro nacionalista Efrén Castro explicou que “despois das noticias que indican que o Estado avanzará na construción desta vía en treitos da provincia de Ourense, queremos incidir na necesidade de que se inclúa tamén nas contas do vindeiro ano a execución dos tramos da provincia de Lugo, que requiren incluso menos investimento e que son imprescindibles para que a vía cumpra coa súa función de eixo vertebrador do interior do país”.
Efrén Castro engadiu que o BNG pedirá no Congreso dos Deputados que os orzamentos do Estado para 2021 inclúan dotación orzamentaria tanto para A-56, como para os treitos pendentes da A-54, entre Lugo e Santiago, e da A-74 da Mariña.
Neste senso, o voceiro nacionalista afeou a intención de terxiversar o debate por parte do Partido Popular, que propuxo unha emenda de engádega sobre a A-74 en que se incluía, como punto de acordo, “que se siga a planificación orzamentaria establecida polo Partido Popular en anteriores orzamentos”.
“Non podemos compartir esa redacción porque é unha mentira. O que fixo o Partido Popular foi abandonar esta provincia no que ten que ver con estes investimentos”, concluíu Efrén Castro.
A proposta presentada polo goberno provincial aprobouse finalmente por unamidade coa súa redacción orixinal.
e todos somos conscientes da dilatada historia que hai tras da autovía Lugo-Ourense, xa que o inicio do seu proxecto e tramitación vai camiño dos 20 anos a pesar dos diferentes gobernos que se deron no Estado. E debemos, asemade, ser conscientes do que significa para as nosas veciñas e veciños ter que transitar na actualidade pola obsoleta N-540.
Non hai moito nun medio de comunicación podíase ler: “Moita paciencia teñen que ter os condutores que utilizan a N-540 para circular entre Lugo e Ourense. Son 90 minutos cheos de curvas, cambios de limitacións de velocidade, zonas de fochancas, retardacións da marcha polo tránsito de vehículos agrícolas e entradas e saídas desde numerosas estradas”. Dicíase isto falando dunha estrada cuns 250.000 potenciais usuarios directos e unhas 3.500 viaxes diarias en días laborables segundo a Xunta de Galiza. Esta situación está a desviar tránsitos polo corredor Sarria – Monforte e está a dificultar seriamente a competitividade empresarial das provincias de Lugo e Ourense.
A día de hoxe so está construído un tramo desta vía de comunicación que está chamada a ser un auténtico eixo vertebrador do interior do noso país, e do resto de tramos non hai rastro material. Sendo ademais ese tramo o que menos cumpre coa función vertebradora, xa que máis ben é unha nova vía de escape cara a costa.
Nos últimos tempos falouse dende o Ministerio correspondente de priorizar os tramos da provincia de Ourense fronte os da de Lugo. A pesares de ser máis caros, máis complicados e incidir en menor medida nos tempos de desprazamento. Sen embargo pouco se fala do intercambiador que unirá a A-54 coa N-540 e que permitirá aos condutores evitar o paso polas curvas de Guntín, mellorando en seguridade e tempos de desprazamento.
Polo exposto con anterioridade, o Goberno da Deputación de Lugo, logo de someter a debate esta moción, propón a adopción polo Pleno desta Deputación de Lugo dos seguintes acordos:
1. Solicitar ao goberno do estado que se priorice a autovía A-56 nos próximos orzamentos do estado con vistas a acurtar os seus prazos de execución.
2. Solicitar ao goberno do estado que se licite no 2021 a obra do tramo que se corresponde co intercambiador que unirá a A-54 coa N-540.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
