Burela, 21 de outubro, 2020. Vista Alegre viviu esta tarde un partido trepidante no que o Pescados Rubén Burela FS viu como se lle escapaban 2 puntos, co empate de Zaragoza 5-5 a 20 centésimas da bucina final cun dobre penalti. Os méritos dos de Juanma Marrube conseguiron unha vantaxe de 4-1 na primeira parte. Tras o descanso, os visitantes aproveitaron as súas oportunidades fronte á inmensidade de ocasións dos galegos, que se estrelaron unha e outra vez contra o pau. Con 5-2 e dez minutos por diante, a superioridade en catro para tres e con porteiro xogador achegou os maños, coa guinda do obsequio final.
A maxia de Matamoros saltou á pista no minuto 2 para darlles a vantaxe aos galegos xa no minuto 2, de penalti. Comezaban ben os do Mariskal cun gran asedio; probou Quintela ante un pé prodixioso de Jamur e a punto estivo de chegar Pazos ao segundo pau. Corría o quinto de xogo cando M. Kaluza fixo a súa primeira intervención, por partida dobre, para manter a renda. Aproveitou o Pescados Rubén para ampliar distancias con 0-3 en dúas rexeites en tan só un minuto, con Iago Míguez fronte a Richi Felipe primeiro e máis tarde coa cara de Pitero, tras repeler o pau a tentativa de Álex Diz. Volveu facer tremer o pau Burela e tocoulle entrar en escena entón a Kaluza, cunha tarde sublime; mantivo a recado os intereses locais en estratexia fronte a Eloy Rojas, primeiro, e despois Dian Luka. O 17 maño foi o encargado de probar fortuna en dobre penalti fronte ao polaco, impertérrito, que pouco despois conseguiu reducir a fenda, no 16, desde saque de esquina e axudado polo pau. Creu o Zaragoza en mitigar o impacto dos burelistas, pero de novo Pitero, moi oportuno desde saque de esquina, cazou o rexeite para o cuarto antes do descanso.
Aproveitou Fútbol Emotion unha perda local para acurtar á contra, con Javi Alonso no minuto 24; antes Iván Bernad obstaculizara o quinto local nun man a man con Quintela. A escasos segundos, o sempre incisivo Matamoros topouse de novo co pau, que volveu desartellar a ofensiva laranxa, nas zapatillas de David Pazos antes do ecuador do segundo acto. Pero aí estaba Quintela para selar o quinto por toda a escuadra (minuto 30) desde saque e esquina de Álex Diz. Volveu aplicarse baixo a rede Kaluza nun minuto de infarto e de novo Quintela puxo en pé á Bancada Laranxa, cun novo pau. Coa expulsión de Javi Rodríguez pola segunda amarela, os visitantes anotaron o 5-3 en superioridade. Acumulou a quinta falta a escuadra galega entón e tivo a oportunidade de distanciarse nun pase de Pitero a Iago Míguez, que neutralizou Iván Bernad. Pitero tamén quixo volver poñer a proba ao meta maño en busca do seu hattrick, sen éxito. Con catro e medio Zaragoza apostou por xogo de cinco con Eloy Rojas e volveron atopar premio en superioridade con Javi Alonso na súa primeira oportunidade. Matamoros liderou a resposta local. Un dobre penalti a 20 centésimas da bucina final nas zapatillas de Retamar outorgoulles un empate inmerecido aos de David Marín.
Sen descanso para a xornada 6
Os pupilos de Juanma Marrube pelexarán por tres novos puntos sen descanso xa o venres, coa sexta xornada, na pista de CA Osasuna Magna, ás 21.00 horas.
Ficha técnica
Pescados Rubén Burela FS: M. Kaluza, Javi Rodríguez, Renato, David Pazos, Quintela, cinco inicial; tamén xogaron Matamoros, Lucho, Álex Diz, Iago Míguez, Pitero, Giasson, Eto’o
Fútbol Emotion Zaragoza: Iván Bernad, Eloy Rojas, Dian Luka, Jamur, Adri Ortego, cinco inicial; tamén xogaron Óscar Villanueva, Javi Alonso, Richi Felipe, Retamar, Juanqui
Goles: 1-0, minuto 2, Matamoros (penalti); 2-0, minuto 7, Iago Míguez; 3-0, minuto 8, Pitero; 3-1, minuto 16, Dian Luka; 4-1, minuto 18, Pitero; 4-2, minuto 24, Javi Alonso; 5-2, minuto 30, Quintela; 5-3, minuto 33, Jamur; 5-4, minuto 36, Javi Alonso; 5-5, minuto 40, Retamar
Árbitros: Sánchez Llorente// Toca Campo (Cantabria). Por Burela a Javi Rodríguez (minuto 22 e 33), Renato (minuto 23), Pitero (minuto 40), Iago Míguez (minuto 40.1), Matamoros (minuto 40.1). Por Zaragoza a Jamur (minuto 23), Villanueva (minuto 26), Dian Luka (minuto 38), Eloy Rojas (minuto 40)
Incidencias: Partido correspondente á xornada 5 de Primeira División Masculina disputado no pavillón Vista Alegre.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
