Ribadeo, 19 de novembro de 2020. A Agrupación Cultural Francisco Lanza xunto ao Concello de Ribadeo organiza a proxección da película Reboiras. Acción e Corazón de Alberte Mera. O pase será este domingo, 22 de novembro, ás 19:30 horas en Cine Ribadeo. O despacho de billetes abrirase media hora antes e ao remate do filme haberá un coloquio entre o director e o público.
A película xira en torno á madrugada do 12 de agosto de 1975, cando a policía do réxime franquista asasina en Ferrol ao dirixente da clandestina Unión do Povo Galego. Participan vintenove testemuñas que coñeceron ao histórico nacionalista, como o seu irmá Moncho, Manuel Reboiras; a súa curmá Lita Martínez, o escritor e exsecretario da Unión do Povo Galego, Francisco Rodríguez; os escritores Xosé Luís Méndez Ferrín e Dario Xohán Cabana ou a cineasta Margarida Ledo. Tamén aparecen as persoas que se atopaban con Reboiras o 12 de agosto en Ferrol, e que el axudou a fuxir, Elvira Souto e Lois Ríos. Para o seu director: “ver Reboiras. Acción e Corazón supón achegarse non só á historia recente senón a un período concreto, o da transición, de influencia tan determinante na situación sociopolítica e económica actual”.
Desde Cultura indican que “a nosa Concellaría está a posibilitar a difusión da creación audiovisual galega, xa sexa ficción ou documental. Así, puideron verse no Teatro: Nove de novembro, de Lázaro Louzao, Vigo 1972, de Roi Cagiao ou Estruturas, de Xosé Bocixa. Porén ai un interese especial en que estas obras se vexan nos espazos adecuados, isto é, as salas de cinema comerciais. Inícianse así os contactos co Cine Ribadeo e posibilítase que se estreen na vila obras emblemáticas como Sicixia e A Esmorga, de Ignacio Vilar, Dhogs, de Andrés Goteira, e ultimamente O que arde, de Oliver Laxe. Ás proxeccións en pantalla grande asiste non só o público xeral senón tamén ao alumnado dos centros de ensino”.
A Agrupación Cultural Francisco Lanza co Concello de Ribadeo organiza a proxección este domingo da película ‘Reboiras Acción e Corazón de Alberte Mera’
Relacionado
-
Acisa Ribadeo presenta unha publicación especial polos seus 37 anos e o Premio Nacional, coincidindo coa XII Gala Anual
-
Voluntarios de Alcoa e a Comisión de Festas de Lieiro realizan labores de limpeza e mellora na Capela do Guioncho
-
O PP afirma que “o goberno local de Lourenzá segue sen abonar os premios do Entroido sete meses despois do desfile”
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
