Viveiro, 23 de novembro de 2020. O Concello de Viveiro informa que, segundo os datos facilitados pola xerencia da área sanitaria, hai a día de hoxe no municipio un total de 28 positivos por COVID-19 (había 55 o pasado 7 de novembro), debendo destacar que nos últimos catro días non se rexistrou ningún novo caso.
Mañá haberá unha nova xuntanza do comité clínico na que o concello agarda que, tendo en conta a evolución favorable da situación, se poidan levantar as restriccións que afectan a Viveiro.
Como sempre, dende o goberno municipal informarase aos veciños e veciñas de calquera modificación que se produza con respecto ás medidas establecidas polas autoridades sanitarias para este concello.
En todo caso e con independencia do que aconteza, dende o concello quérese facer fincapé na importancia de non baixar a garda e continuar estremando as precaucacións para que, tras o levantamento das restriccións, cando se produza, non se dea un novo repunte de casos.
Finalmente, dende o Concello de Viveiro quérese agradecer publicamente a todos os veciños e veciñas o seu grande esforzo e responsabilidade social en beneficio da saúde colectiva, rebaixando co seu comportamento o número de contaxios.
O Concello de Viveiro informa de 28 positivos por Covid e agradece o esforzo e o comportamento da veciñañza
Relacionado
-
O XV Encontro de Palilleiras de Xove contará este sábado con máis de 300 participantes e 21 postos de artesanía
-
O PP censura o “afán recadador” do Goberno do estado que pretende cobrar 48.000€ anuais aos vilalbeses en taxas non establecidas no convenio da depuradora durante os próximos 25 anos
-
A Vicepresidencia da Deputación colabora cunhas xornadas formativas para afrontar os retos da crise climática nas ganderías de leite ecolóxico
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
