Lugo, a 23 de novembro de 2020. A presidenta provincial do Partido Popular, Elena Candia, pon en valor que Lugo volve a ser a provincia galega co maior investimento da Xunta de Galicia por habitante, ao destinar 4.704 euros a cada lucense, fronte aos 4.461 de Ourense, aos 3.430 de Pontevedra e aos 3.633 de A Coruña. A achega que fará a Xunta de Galicia en 2021 a provincia sitúase nos 1.544 millóns de euros, polo que é a administración que máis inviste no noso territorio con diferenza.
Deste xeito, a máxima mandataria do populares lucenses remarca que as contas entregadas esta mañá no Parlamento de Galicia polo conselleiro de Facenda, Valeriano Martínez, certifican que o Goberno de Alberto Núñez Feijóo dá continuidade aos compromisos asumidos en materias tan importantes para Lugo como son a sanidade, as infraestruturas ou o medio ambiente. “Son uns orzamentos realistas, que poñen no centro ás persoas, que non soben impostos e prestan unha especial atención á pandemia e á reactivación económica”, afirma Elena Candia.
A este respecto, a tamén deputada autonómica destaca, entre outros, o importante investimento que reciben o Centro Integral de Primaria que se está a construír na cidade, as actuacións na mellora e dotación de servizos no hospital de Monforte e o Plan Director do hospital da Mariña. Pola mesma orde, as partidas consignadas para estes centros son as seguintes: cas 6 millóns para o primeiro, case 2 millóns para o da cidade do Cabe e 300.000 euros para o de Burela.
En materia de comunicacións viarias, o investimento aumenta un 58%. Candia subliña, de forma nomeada, a vontade do Executivo de Feijóo por dar continuidade ao desdobramento do corredor de Nadela-Sarria e a súa conversión e autovía. A esta actuación, na que o treito Sarria-Pobra de San Xillao xa está en obras, destínanse 10 millóns de euros.
Non menos importante, sinala a dirixente do PP, son as previsións da Xunta de Galicia en materia de medio ambiente; cuestión que cobra unha especial relevancia nunha provincia como a de Lugo na que esta área é un potencial económico moi relevante. Neste caso, a presidenta cita, entre outras actuacións, o saneamento e mellora no tratamento e construción de Edares na provincia, como son o caso das de Viveiro, Burela e Foz. A estas tres iniciativas, a administración autonómica achega máis de 8,5 millóns.
Lugo cidade
No caso de Lugo cidade, o voceiro do Grupo Municipal do Partido Popular, Ramón Carballo, salienta que son unhas contas “xenerosas e comprometidas co municipio”.
O capítulo no que a Xunta de Galcia dedica a maior parte dos orzamentos a cuestións relacionadas con políticas sociais e sanitarias. En total, nestes dous capítulos investirá, máis de 35,4M€ con dous proxectos estrela que son o remate do Centro Integral de Saúde do barrio da Residencia (5.8 M€) e a construción da residencia de maiores de Lugo (12 M€). Dentro deste paquete de medidas tamén destacan os 2.6 M€ para axudas a dependencia; 2M€ en concepto de gratuídade de garderías; 1.8 M€ de servizo de axuda no fogar ou os máis de 6 M€ para prazas en centros de día de discapacidade, residencia de maiores ou alzhéimer.
Dentro de sanidade figuran tamén partidas xenéricas para reformas de centros relacionadas coa adaptación á Covid (1.2 M€) da que se beneficiará o Centro de saúde da Milagrosa e tamén e hai outra partida xenérica (1.1M€) para redacción de proxectos de novos centros de saúde que se poderá utilizar para todos aqueles nos que se poñan terreos a disposición da Xunta e a cal se pode acoller o futuro Centro de Saúde do Sagrado Corazón.
Outra das preocupacións da Xunta para afrontar os efectos da crise económica froito da covid é a necesidade de captar empresas e crear emprego. Nese senso dende Medio Ambiente, Territorio e Vivenda figura unha partida importante de 4.5M€ para a ampliación da segunda fase do polígono das Gándaras.
Outra partida importante son os 5.8€ para un laboratorio 5G e seguridade de comunicacións, para o centro de emprendemento aeronáutico ou unha central de biomasa xunto coas obras para mellora de eficiencia enerxética do edificio administrativo da Xunta.
Outra consellería que seguen esforzándose por mellorar os centros de ensino da cidade e continúa cos investimentos é a de Educación. Para este 2021 vanse adicar 3.210.000 € para facer obras no San Xillao (1.5M€), ampliación do IES Muralla (300.000 €), facer unha nova nave de taller de madeira do politécnico (980.000 €) e remate do Colexio do Sagrado Corazón (300.000 €).
No ámbito cultural hai un orzamento para a muralla de máis dun millón de euros, así como partidas para restauración da Igrexa de San Pedro (700.000 €), o claustro da Catedral (500.000 €) e para a nova sede do Centro Galego de Arte Contemporáneo (50.000 €).
Canto a infraestruturas e mobilidade destaca 1.5M€ para a estación intermodal e 100.000 € para o plan de transporte metropolitano.
No capítulo de infraestruturas, 500.000 € para o plan Paradai, 300.000 € para a Ronda leste e 60.000 € para eliminar o tapón urbanístico da rúa Fisterra. En materia de vivenda os 800.000 € para rehabilitación de vivendas na Tinería.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Solicítase á veciñanza que retire os vehículos estacionados nesta zona durante a mañá do martes, co fin de facilitar o desenvolvemento dos traballos. A Policía Local colocará esta tarde a sinalización informativa correspondente. Durante as actuacións poderán producirse cortes puntuais de circulación, procurando facilitar o acceso aos garaxes da zona. A duración dos traballos dependerá das condicións meteorolóxicas e da súa evolución. O Concello de Viveiro agradece a colaboración da veciñanza e desculpa as molestias que se poidan ocasionar.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
O encontro principal terá lugar no comedor da carta o mércores 28 de outubro, ás 14:30 h. Ese mesmo día, ás 09:00 h, Jesús Manuel Blanco García, presidente da asociación micolóxica Os Bolouros, ofrecerá unha charla introdutoria para abrir a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
