Burela, 28 de novembro, 2020. Unha gran igualdade reinou este mediodía en Amate. Pescados Rubén Burela FS ofreceu unha gran capacidade de reacción ante a orde do Real Betis Futsal; ambas as escuadras brindaron moita seriedade aínda que os detalles de oficio inclinaron a balanza para os intereses locais (2-1). Desde a súa iniciativa, no minuto 14, os andaluces tiveron que sufrir o ataque dos do Mariskal, que se estrelaron unha e outra vez contra a firmeza de Cidao.
Os de Juanito aproveitaron un saque de banda a falta de seis minutos para o descanso para adiantarse con Emilio Buendía ao segundo pau. A partir de aí medraron as ocasións dos galegos, que xa avisaran con Iago Míguez e Renato nos primeiros compases e máis tarde cunha gran triangulación rematada por Pitero. Cidao estivo moi atento ante o potente disparo de Pazos no 16. Non puido chegar o 20 burelista un pouco máis tarde ao pase de Álex Diz ao segundo pau. Tamén o tentaron nas postremeiras Renato e Quintela, pero a bucina chegou co axustado 1-0.
Regresou Burela coa intensidade dos últimos minutos provocando certa desconexión nas filas andaluzas. Javi Rodríguez e Renato puxeron a proba a rede local; tamén o tentou, de falta indirecta, Mata. Continuando cunha gran presión, David Pazos a punto estivo de rubricar o empate pero bateu contra a solidez de Cidao, o talismán para os béticos nesta xornada. Edu, tras a medianía do segundo acto, evitou o segundo na primeira chegada da escuadra andaluza, a través de Bocao, para permitirlle ao Pescados Rubén seguir co asedio sobre a área local. O meta bético estivo moi áxil ante dobre tentativa burelista no 33, pero nada puido facer poucos segundos despois, nun saque de esquina de David Pazos que cazou Pitero para anotar a igualada tras tocar o balón en Rubén Cornejo. Tivo Quintela unha de ouro en galopada pero o esférico quedóuselle un pouco atrás e non puido sorprender a Cidao. Foi entón cando o Betis aproveitou para volver poñerse por diante, cun roubo de Éric Pérez (minuto 35); demasiado premio para as súas ocasións. Con máis de catro minutos para o final, Quintela saltou á pista para liderar o xogo de cinco. O Pescados Rubén non deixou de insistir, aínda que os de Juanito tamén dispuxeron dunha moi perigosa a porta baleira; Rubén Cornejo desartellou a tentativa de Matamoros e Cidao volveu lucirse ante Lucho, en carreira, e Matamoros, practicamente sobre a bucina, sen tempo para máis.
Ficha técnica
Real Betis Futsal: Cidao, Bocao, Rubén Cornejo, Chaguinha, Éric Pérez, cinco inicial; tamén xogaron Elías, Borja Blanco, Emilio Buendía, Ivi, Chicho, Burrito
Pescados Rubén Burela FS: Edu, Iago Míguez, Pitero, Javi Rodríguez, Renato, cinco inicial; tamén xogaron Lucho, David Pazos, Álex Diz, Quintela, Matamoros
Goles: 1-0, minuto 14, Emilio Buendía; 1-1, minuto 33, Pitero (p.p. Rubén); 2-1, minuto 35, Éric Pérez
Árbitros: Cidoncha Cortés // Salomé Vizuete. Por Betis amarela a Ivi (minuto 16), Rubén Cornejo (minuto 23), Borja Blanco (minuto 25). Por Burela amarela a Javi Rodríguez (minuto 32)
Incidencias: Partido correspondente á xornada 12 de Primeira División Masculina disputado no Centro Deportivo Amate de Sevilla.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
