Burela, 14 de novembro, 2020. O gol laranxa brillou esta tarde no derbi galego cun Pescados Rubén Burela FS que recuperou a senda triunfal (6-3) despois de seis xornadas. Vista Alegre viviu unha primeira parte moi equilibrada nunha cita con fases moi diferentes. Tras a vantaxe local ao descanso con 2-0, os ferroláns foron a mellor, aínda que co empate 2-2 a escuadra de Juanma Marrube cobrou forza para aproveitar as súas ocasións e distanciarse.
Aos corenta segundos os mariñáns xa estrearon o luminoso nunha boa saída e unha perfecta conexión con Pitero de cabeza que culminou Renato. O meta naronés estivo moi atento ante Adri, de lonxe, e unha tentativa de despexe de Renato. Os burelistas puideron ampliar no 7 con dúas perigosas de Quintela, desartellada por Espíndola, e Matamoros, ao pau. Edu defendeu os intereses dos mariñáns; sobre o 12 volveu facer acto de presenza fronte a Adri e pouco despois resolveu sen problema ante Miguel e Isma; o meta mariñán tivo que aplicarse máis a fondo nos últimos minutos con chegadas máis incisivas, lideradas polo 10 ferrolán, con Thalles e Miguel tamén perigosos. Outra das Xoias, Pitero -como pichichi-, ratificou a eficia local a 12 segundos da bucina do descanso, cazando un balón na área parrula na pugna da defensa visitante con Lucho e Quintela.
Volveron os de Ferrol coas ideas máis claras para ofrecer unha mellor versión ante un Pescados Rubén máis acougado mandando no marcador. O ex dos laranxas Iago Rodríguez reduciu distancias no minuto 24. Espíndola e Adri aliáronse para bloquear a tentativa de Renato dous minutos despois. Non puido chegar Quintela ao pase de Pitero. No cara a cara de Iago Rodríguez e Edu saíu vitorioso o meta no minuto 28. Con todo, o empate non se fixo esperar; chegou o empate nas zapatillas doutro antigo burelista, Miguel, nunha contra de Isma. Lonxe de facer dano nas filas do Mariskal, coa igualada o conxunto local reaccionou dando un paso adiante, recobrando fortaleza. Tras a intervención baixo paus na neutralización de Iago Rodríguez e William, Javi Rodríguez puxo a firma á iniciativa laranxa nun golazo, no 33, tras saque de esquina de Álex Diz. Edu, desde o chan, volveu frear os parrulos e Quintela sacouna en busca do cuarto, sentenciada por Lucho, no 37. Héctor Souto apostou por xogo de cinco acto seguido, pero a recompensa quedou na casa. Renato non cesou na presión ante Isma, conseguiu arrebatar o esférico e subir o 5-2 coa portería baleira. Recta final de infarto. Isma, con Miguel moi atento ao segundo pau, reduciu co 5-3, pero hoxe o gol tiña brillo laranxa sen dúbida e Renato quixo demostralo co seu hattrick, a tan só 33 segundos, aproveitando o despexe de Espíndola ante o saque longo de Edu, para o definitivo 6-3.
Martes 10, xornada 9
Nova semana sen tregua. Mañá, os pupilos do Mariskal poñerán rumbo a terras murcianas para enfrontarse o martes a Elpozo (18.00 horas), na xornada 10.
Ficha técnica
Pescados Rubén Burela FS: Edu, Pitero, Javi Rodríguez, Renato, Giasson, cinco inicial; tamén xogaron Lucho, Matamoros, Quintela, Álex Diz, Eto’o, Nito
O Parrulo FS: Espíndola, Iago Rodríguez, Isma, Adri, Miguel, cinco inicial; tamén xogaron Kevin Chis, Diego Núñez, William, Ique, Thalles
Goles: 1-0, minuto 1, Renato; 2-0, minuto 20, Pitero; 2-1, minuto 24, Iago Rodríguez; 2-2, minuto 28, Miguel; 3-2, minuto 33, Javi Rodríguez; 4-2, minuto 37, Lucho; 5-2, minuto 38, Renato; 5-3, minuto 39, Isma, 6-3, minuto 40, Renato
Árbitros: Carreira Romero // Ferrero Carballal. Por Burela amarela a Matamoros (minuto 8), Pitero (minuto 9), Álex Diz (minuto 34). Por Ferrol amarela Espíndola (minuto 3), Isma (minuto 7), Ique (minuto 16)
Incidencias: Partido correspondente á xornada 9 de Primeira División Masculina disputado en Vista Alegre, a porta pechada.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
