Lugo, 16 de decembro de 2020. O Presidente da Deputación de Lugo, José Tomé Roca, asinou este mércores co bispo de Lugo, Alfonso Carrasco Rouco, o convenio de colaboración polo que a institución provincial achega 150.000€ á Diocese lucense para a conservación e posta en valor do patrimonio da provincia. Pola súa banda, a institución eclesiástica achega outros 150.000€, co cal ambas entidades invisten un total de 300.000€ para a mellora e rehabilitación de seis bens culturais situados nos concellos de Lugo, Monforte, O Incio, O Saviñao e O Courel.
José Tomé subliñou que con esta achega, a Deputación demostra novamente o seu “compromiso pola promoción do territorio para dinamizar a economía e o turismo. Un compromiso que vimos demostrando dende o principio do mandato con iniciativas importantes, como a entrada da institución na Ruta Transrománica, recoñecida polo Consello de Europa, e tamén nos Orzamentos do ano 2021, nos que aumentamos un 10% os fondos para o turismo”.
Concretamente, o convenio asinado hoxe executarase en dous anos e recolle as seguintes actuacións:
– Melloras na Catedral de Lugo, Patrimonio da Humanidade dende o ano 2015. Conta cun orzamento de 93.000€. Concretamente, vaise acometer unha mellora importante que vai servir para facilitar o acceso ás persoas con mobilidade reducida, pois nestes intres hai unhas pequenas ramplas de madeira que se van a renovar por unhas de granito, acorde ao monumento. Así mesmo, con dito investimento faranse actuacións no atrio frontal da Catedral, onde actualmente hai moitos ocos entre as distintas pedras que conforman a soleira, moitas delas descolocadas. Debido a isto, faranse traballos para recolocar todo o atrio do monumento, o que lle aportará maior prestancia.
– En Monforte, na igrexa de San Miguel de Marcelle, repararase o muro perimetral do adro do edificio con 10.000€; e na igrexa de Santa María da Régoa, acondicionarase a cuberta e pintarase a fachada do monumento con 45.000€.
– Na igrexa de San Salvador de Vilaesteva, no Saviñao, con outros 50.000€, mellorarase a accesibilidade, renovando o pavimento actual, que é de tarima flotante, por unha tarima de castaño.
– Na igrexa de San Cristovo da Cervela, no Incio, renovarase a cuberta e faranse traballos de limpeza no campanario e de cuberta do cabildo. Esta actuación conta cun investimento de 50.500€.
– Na igrexa de San Pedro de Noceda, en Folgoso do Courel, arranxarase con 51.500€ a cuberta da nave principal e do campanario, realizarase o drenaxe da parte exterior do edificio e renovarase a instalación eléctrica.
Agasallo institucional
Durante o encontro no Pazo de San Marcos, o Presidente da Deputación entregou ao bispo de Lugo como agasallo institucional unha cesta con produtos da provincia, como aceite de Quiroga ou crema de castañas do Courel, entre outros; e o libro Ribeira Sacra, Galicia para soñar, que recolle fotografías de Antón Rodicio.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.