Santiago de Compostela, 16 de Decembro 2020. O deputado do BNG, Daniel Castro defendeu hoxe unha proposición non de lei na Comisión de Industria para mellorar a dixitalización no rural.
O acordo que contou co apoio do Partido popular e a abstención do Partido socialista insta á Xunta de Galiza a dirixirse ao goberno do Estado para que estableza os mecanismos económicos e legais para que a Galiza rural exista unha cobertura de TDT, de conexión móbil e de conexión a internet con banda ancha que non estableza diferenzas entre as persoas, empresas ou particulares polo lugar no que vivan, máxime cando haberá fondos europeos para o período 2021-2027 que permitirán este impulso. Ademais, o acordo inclúe que o Parlamento inste á Xunta de Galiza a impulsar os mecanismos, en colaboración co goberno do Estado e non deixar a Galiza atrás no reparto dos fondos europeos e na súa aplicación no rural.
Na defensa da proposta do BNG, o nacionalista insistiu na necesidade de implementar a dixitalización nos territorios para fomentar as relacións, tanto sociais como profesionais e económicas e no caso de Galiza, a dispersión xeográfica, a orogragía, as distancias entre grandes grupos de poboación fan urxente mellorar as conexións e cobertura.
Para fixar poboación no rural, engadiu Daniel Castro, deben primar políticas que fomenten os negocios, a distribución dos produtos e que “poidan gozar dunha velocidade na navegación” igual ou semellante ás das vilas e cidades. “O rural necesita canles de comunicación físicas pero tamén precisa de canles dixitais” recalcou o nacionalista.
O deputado lembrou que a pandemia provocou a eliminación dun gran número de postos de traballo en todos os sectores e visibilizou os problemas que xa existían antes. Neste sentido, referiuse “a fenda tecnolóxica” que imposibilita a moitos rapaces e rapazas contar cos mesmos dereitos educativos segundo o lugar no que residan. O nacionalista explicou que ante a nova realidade, Europa está a traballar pola “Digital Transformation á que ten previsto destinar 9.200 M€ Esta cantidade está “teoricamente” orientada a transformar a sociedade e a economía en Europa cara á dixitalización. De igual maneira tamén se está a falar de 3.000 millóns de € para financiar a infraestrutura da conectividade dixital, aseverou.
Galiza non pode quedar fora do reparto de fondos europeos
Partindo de que para poder levar a cabo políticas de dixitalización hai que ter algo para dixitalizar ,persoas , escolas, empresas, tecido produtivo no rural está claro, que “Galiza non pode quedar fóra”. Galiza nos fondos europeos, ten que ter “unha posición forte, unha posición de país para recibir os fondos necesarios, que por desgraza, ao partirmos de tan atrás é moito, e sobre todo se falamos da dixitalización do noso rural”.
Dani Castro aludiu ao uso de Internet nos últimos tres meses e aínda que pareza parecer anecdótico, evidencia que en Galiza a descompensación no tocante ao acceso e emprego da internet é claramente “alarmante”. Galiza é o territorio do Estado español que peores datos presenta no uso de internet, o 87,4% da poboación galega de entre 16 e 74 anos usou internet nos últimos tres meses, case seis puntos menos que a media de territorios do Estado español (93,2%), sendo ademais o “único que non supera a barreira do 90% segundo os datos do INE”, concluíu.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.