O restaurante Marinero, de Ribadeo, decidiu utilizar a barra, na que agora non pode atender aos clientes polas restricións derivadas da pandemia do Covid 19, para instalar un belén do Nadal

Para construír o nacemento, que ten 6 metros de longo por 60 centímetros de ancho, utilizaron residuos do establecemento reciclados, como caixas e outros envases de diferentes materiais.
O belén, que mesmo conta con iluminación e un río con auga nun circuíto pechado para non malgastala, foi deseñado e construído pola decoradora Susana Bustelo e por traballadores do restaurante. Estará instalado ata comezos de xaneiro.