Burela, 7 de xaneiro, 2020. As burelistas salvaron esta tarde o primeiro obstáculo da III Copa de S. M A Raíña, en oitavos, impoñéndose 2-5 sobre o Ence Marín Futsal, de Segunda.
O Pescados Rubén tivo que remar contra o marcador cunha diana en propia porta de Camila, en tentativa de despexe, no minuto 7. Con moito perigo nos seguintes compases, Cilene recuperou táboas no 16, tras disparo de saque directo, e Cristina puxo por diante as Guerreiras tras o descanso. Marín volveu cobrar impulso co empate rozando o ecuador da segunda parte, nun un contra un de Café. Con todo, as mariñás reaccionaron sen contemplacións con dobre acerto de Camila en tan só un minuto para distanciarse 2-4. A nedense Ale de Paz anotou o quinto para ratificar a solvencia das campioas, que xa terán un novo reto en defensa do trono o sábado, coa Supercopa de España en Burela ante o Poio Pescamar FSF (12.00 horas, Teledeporte).
Ficha técnica
Ence Marín Futsal: Antía, Mar, Kun, Kiko, Café, cinco inicial; tamén xogaron Suki, Pau, María León, Inés
Pescados Rubén Burela FS: Sandra, Cilene, Cristina, Ale de Paz, M. Cortés, cinco inicial; tamén xogaron Peque, Dany, Lara Balseiro, Camila, Bea Mateos, Elena Aragón, Jane, Jozi
Goles: 1-0, minuto 7, Camila ( p. p.), 1-1, minuto 16, Cilene; 2-1, minuto 26, Cristina; 2-2, minuto 29, Café; 2-3, minuto 30, Camila; 2-4, minuto 30, Camila; 2-5, minuto 34, Ale de Paz
Árbitros: Daniel Dacal // Andrés Pinilla (Vigo). Por Marín amarela Suki. Por Burela amarela a Cristina, Dany
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
