Imaxe de arquivo
Ribadeo, 26 de febreiro de 2021. O Concello de Ribadeo acomete obras de amaño de camiños municipais a núcleos que estaban moi deteriorados.
O investimento supera os 120.000 euros. Así acometeranse actuacións estes días en Couxela, Cedofeita, As Anzas, Vilela, Ove e A Devesa.
O alcalde ribadense, Fernando Suárez, anunciou que “nestes días están comezando unha serie de amaños de camiños municipais de acceso a núcleos que actualmente se atopan moi deteriorados. Imos actuar, como sempre, en parroquias da costa e do interior, seguindo as suxestións que nos foron dando as diferentes asociacións de veciños e veciñas”.
O rexedor explicou que “para iso solicitamos e adxudicamos, baixo o Plan Único de 2020 entre o Concello e a Deputación de Lugo, unha serie de actuacións importantes, en aglomerado asfáltico principalmente, que nesta nova remesa de actuacións corresponderán a Couxela, no lugar da Igrexa; a Cedofeita, no lugar de Queixoiro; no núcleo de As Anzas, correspondente a unha primeira fase; no núcleo de Vilela, na parroquia de Covelas; en Ove, no lugar da Igrexa; e nos núcleos da Rochela e de Cinxe, na parroquia da Devesa”.
Suárez Barcia sinalou que “estas actuacións teñen un importe de proxecto que supera os 120.000 euros e foron adxudicadas á empresa Asfalgal, a través do procedemento de licitación aberto. Nestes días, se o tempo o permite, estaremos cos traballos previos de acondicionamento, na limpeza de gabias e obras de fábrica previas ao aglomerado destes viarios. Posteriormente ao aglomerado, como estamos a facer nos últimos anos, tamén se procederá ao pintado das liñas laterais, á sinalización vertical e á colocación de regos de zahorra compactada polas beiras a fin de evitar desprazamentos ou accidentes con vehículos de dúas rodas”.
O alcalde engadiu que “todas estas actuacións, importantes en extensión e en contía de diñeiro público, non resolven evidentemente as necesidades que ten o sistema viario das parroquias do noso concello, aínda que é certo que van axudando a reducir o número de camiños en mal estado. Polo que tamén, ao longo deste ano que agora empeza, habemos seguir actuando na medida das nosas posibilidades, pero con toda a intensidade e con toda a determinación, en todo este ámbito”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
