Pesty László, responsable do Movemento europeo para protexer á rexións nacionais, “a UE debe aprobar unha lei que estableza claramente que os pobos teñen dereito á autodeterminación e poden solicitar fondos da UE por dereito propio”

 A Mariña, 3 de febreiro, 2021. Pesty László é o responsable do Movemento europeo para protexer á rexións nacionais
– Cal é a esencia da Iniciativa Cidadá da UE que representas e por que consideraches tan importante viaxar a España durante a epidemia COVID?
– En primeiro lugar, quero dar a benvida ás nas nacións autóctonas de España, aos galegos, aos cataláns e aos vascos. Quero agradecerlles a cálida acollida que tivemos nestes últimos días. A iniciativa Sign It Europa saíu do País Sekler; os Sekler son un pobo de identidade húngara que viven nos Cárpatos Orientais, en Romanía. O seu destino en moitos aspectos importantes é algo parecido ao das comunidades nacionais en España. Os Sekler teñen o obxectivo de preservar a súa propia identidade e as súas características económicas e culturais contra un poder central moi forte que busca varrer toda singularidade étnica. O tema central da iniciativa é que a Unión Europea aprobe unha lei que estableza claramente que estes pobos teñen dereito á autodeterminación e poden solicitar fondos da UE por dereito propio, sen a aprobación do goberno central.
Se cadra un dos posibles resultados da iniciativa podería ser o cumprimento dunha das condicións da estabilidade.
– Cal é a actitude da Unión Europea cara a estes temas?
A iniciativa Minority Safe Pack foi rexeitado… – A pregunta é acertada, pero hai que ver que, ademais dos gobernos centrais, as institucións da Unión Europea son actualmente os únicos corpos lexislativos onde podemos atopar respostas aos nosos problemas ou onde polo menos podemos expolos. – Os escépticos adoitan engadir que ata o de agora só cinco iniciativas lograron alcanzar o limiar de polo menos sete países máis un millón de firmas, e todas esas iniciativas fracasaron. – De feito, pero non debemos esquecer que temos un instrumento: a posibilidade da iniciativa cidadá da UE e nós, como membros de rexións nacionais temos que aproveitalo. Temos que loitar as nosas batallas diarias cos gobernos centrais e ao mesmo tempo somos conscientes de que a expresión da nosa vontade pode exercer unha enorme presión. Á fin e ao cabo, necesítanse aproximadamente dous minutos para asinar a iniciativa, e canto máis o fagamos, máis difícil será silenciarnos. A recollida de firmas pode ser unha proba crible e inequívoca de que as nacións como a vasca, a catalá e a galega, a sekler ou a sami ou sexa a frisoa non renunciaron á súa propia identidade e non están dispostos a inclinar a cabeza diante o espírito consumidor global e diante a hexemonía unicolor do capitalismo.