Lugo, 10 de marzo de 2021. A Consellería do Mar convocou un curso de marisqueo que se desenvolverá na Aula de Formación Pesqueira de Celeiro (Viveiro) así como probas libres para obter a titulación de mariñeiro pescador, patrón local de pesca e patrón costeiro polivalente. Tamén están fixadas as probas para obter as titulacións que habilitan para o goberno das embarcacións de lecer e motos náuticas.
O delegado territorial da Xunta en Lugo, Javier Arias, destacou a importancia das “accións formativas dirixidas a cualificar a homes e mulleres para que poidan atopar o seu futuro laboral na pesca, un sector no que existe demanda de traballadores sen cubrir”.
O curso para obter o certificado de mariscadora ou mariscador celebrarase entre os días 6 e 21 de abril en horario de tarde (das 16:30 ás 20:00 horas). As persoas interesadas en inscribirse poden facelo na Xefatura Territorial da Consellería do Mar en Celeiro (teléfonos 982 555 037 e 982 555 038) ata final deste mes ou ata esgotar as 20 prazas que se ofertan.
Os exames ordinarios teórico-prácticos de carácter libre para mariñeiros pescadores, patrón local de pesca e patrón costeiro polivalente desenvolveranse no Instituto Politécnico Marítimo-Pesqueiro do Atlántico de Vigo, na Escola Oficial Náutico-Pesqueira de Ferrol, e na Escola Oficial Náutico-Pesqueira de Ribeira, entre os días 26 de abril e 4 de maio. A matrícula pode formalizarse ata o vindeiro 15 de marzo.
Os temarios oficiais dos exames son os recollidos na Orde do 31 de xullo de 2014, pola que se establecen as bases e se regula o procedemento para obtención destas titulacións (DOG número 156, do 19/08/2014, e DOG número 161, do 26/08/2014).
Nas mesmas sedes terán lugar as probas para o manexo de embarcacións de recreo. Haberá dúas convocatorias para realizar os exames teóricos e prácticos para a obtención das titulacións que habilitan para o goberno das embarcacións de lecer e motos náuticas. Entre o 5 e o 16 de abril poden matricularse os que queiran examinarse en maio -entre o 10 e o 13-, e do 12 ao 23 de xullo os que prefiran facer as probas en setembro -do 6 ao 10-. Os detalles poden consultarse no DOG do pasado 4 de marzo.
Por último, a Consellería habilitou o mesmo día tres convocatorias para presentarse aos exames extraordinarios teóricos para a obtención das titulacións que habilitan para o goberno das embarcacións de lecer. Ata o 16 de marzo está aberto o primeiro prazo de matrícula, para realizar as probas entre o 12 e o 15 de abril. A segunda convocatoria abrirase o 31 de maio ata o 11 de xuño, para examinarse entre os días 5 e 7 de xullo. A terceira e última convocatoria será a finais de ano; o prazo de matrícula estará aberto entre o 25 de outubro e o 8 de novembro e os exames serán entre o 29 dese mes e o 2 de decembro.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
