Viveiro, 6 de outubro, 2026. O BNG de Viveiro continúa esta semana cunha nova serie de reunións veciñais nas parroquias do municipio para avanzar na elaboración do Plan Parroquias 2027-2031, unha ferramenta de planificación que se construirá da man da veciñanza.
O obxectivo é realizar unha diagnose das necesidades de cada parroquia, identificar prioridades e definir actuacións concretas para o próximo mandato municipal. Trátase dun proceso participativo que dá continuidade ao traballo desenvolvido polo BNG nos últimos anos e que servirá de base para a proposta de goberno de cara ás eleccións municipais de maio de 2027.
A portavoz municipal e candidata á Alcaldía, Iria Cotelo, destaca que a participación cidadá é clave:
“Un Viveiro mellor é posible, pero temos que construílo entre todas e todos. Este Plan Parroquias nace para incorporar a visión da xente que coñece e vive cada día a realidade do noso concello”.
Cotelo subliña tamén que o BNG quere chegar ao próximo mandato cunha folla de ruta clara:
“Se a veciñanza nos dá a oportunidade de volver gobernar, queremos estar preparados para comezar desde o primeiro día”.
📅 Primeiras reunións desta semana
Martes 6 de outubro · Escola de San Andrés de Boimente
Xoves 8 de outubro · Escola de Chavín
Sábado 10 de outubro · Casa do Forno de Celeiro
🕖 Hora: 19:00 en todas as reunións
O BNG anima ás veciñas e veciños a participar e achegar propostas para mellorar o futuro das súas parroquias. As reunións continuarán nas próximas semanas ata completar todas as parroquias do municipio.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
