Ribadeo, 26 de marzo de 2021. O alcalde de Ribadeo, Fernando Suárez, mantivo unha reunión coa subdelegada do goberno en Lugo, Isabel Rodríguez. No encontro, celebrado esta mañá, abordáronse temas como a iluminación das rotondas de acceso a Ribadeo, as moitas fochancas que presenta a A-8 ao seu paso polo concello e as beirarrúas da Ponte dos Santos que o rexedor considera necesario ampliar un pouco para facilitar o paso de peóns, de bicicletas e de peregrinos, e que o único que habería que facer sería mover os valos de separación existentes.
O alcalde contou que “nesta reunión, por certo moi agradable, coa subdelegada do goberno en Lugo, lle trasladamos a nosa preocupación, que temos desde hai tempo no Concello de Ribadeo, para intentar buscar unha vía para iluminar dunha maneira definitiva estas rotondas, que están moi frecuentadas por peóns, que corresponden ao Ministerio de Fomento, concretamente na saída na autovía en Vilaselán, tamén en Dompiñor e a outra rotonda da Vilavella. Son rotondas que pertencen ao Ministerio de Fomento, pero que ou ben non teñen iluminación desde hai tempo ou a que teñen é absolutamente insuficiente desde o punto de vista da seguridade peonil dos viandantes, e hai que ter en conta que especialmente en Vilaselán é unha zona urbana para unha banda e outra da autovía. Polo tanto, comprometémonos entre as dúas partes a buscar unha fórmula para iluminar definitivamente estas rotondas”.
Suárez Barcia explicou que “tamén lle trasladei a preocupación, eu creo que dos de Ribadeo e dos que non son de Ribadeo, polo estado que non é correcto dun treito da autovía A-8, ao seu paso por Ribadeo, entre os quilómetros 512 e 516, que están cheos de fochancas.
Entendemos que lle hai que dar unha solución non de rebacheo senón unha solución máis integral da reposición do tramo enteiro”.
O rexedor ribadense indicou que “ademais lle trasladamos unha preocupación, eu creo que compartida non soamente por Ribadeo senón tamén polos nosos veciños e a Corporación de Castropol, sobre a Ponte dos Santos. Sabemos que este goberno do Estado, hai tres anos, procedeu á iluminación da ponte, o cal era unha inxustiza que a ponte durante anos estivera apagada, pero agora necesitamos que estas beirarrúas que posibilitan o paso dos veciños dunha banda e da outra, agora non pola covid pero esperemos que dentro de poucos días poida ser posible”.
Para Fernando Suárez “hai que ter en conta que estas beirarrúas que son o paso do Camiño Norte de Santiago, son demasiado estreitas, non compren ningún tipo de normativa e é necesario amplialas. Como somos sensatos, non pretendemos nin que se amplíe a Ponte dos Santos nin que se fagan cousas que serían impensables a día de hoxe, pero si pensamos, e os técnicos así nos indican, que estes valos que serven de división para que ningún viandante poida entrar nunha autovía e que están colocados por diante das farolas, se podían colocar por detrás delas. De todo isto sabemos que a xestión da Ponte dos Santos non é competencia de Galicia senón que por unha cuestión administrativa o Ministerio ten residenciada a competencia na parte asturiana, de aí que lles trasladei aos responsables galegos para que dialoguen coa Demarcación de Estradas do Estado en Asturias para que estuden a posibilidade de mover estes valos, para que precisamente se poidan ampliar un pouquiño máis estas beirarrúas e cando dúas persoas se crucen non se teña que achegar unha delas practicamente ao precipicio para que poida pasar a outra cunha certa comodidade”.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
