Santiago de Compostela, 04 de marzo de 2021. A parlamentaria socialista Patricia Otero esixiulle hoxe á Xunta que “poñan toda a carne no asador, busquen e cubran” as dúas baixas do Servizo de Cardioloxía do Hospital da Costa, limitado na actualidade a un único médico que só pode atender as urxencias. Otero presentou unha pregunta na Comisión de Sanidade do Parlamento na que denunciou o “abandono e desmantelamento” dos servizos no Hospital de Burela.
Otero replicoulle ao xerente do Sergas que “dicir que a atención está garantida e as prazas ocupadas é fallarlle aos veciños e veciñas da Mariña”. Fronte á versión oficial, a responsable socialista lembrou que no setembro pasado os tres médicos de Cardioloxía reducíronse a dous pola excedencia dun deles, e de novo en xaneiro a segunda cardióloga tiña que tomar unha baixa, sen que o Sergas cubrira as vacantes en ningún momento.
Actualmente o servizo está sen cubrir, cun único profesional médico para atender a unha poboación de máis de 70.000 habitantes. A responsable socialista lembra que “hai moitísimo tempo” que as esperas se prolongan ata os dous anos, o que evidencia a urxencia da cobertura do servizo “cando menos con 2 profesionais máis, e incluso é necesario incrementalo”.
Criticou que a Xunta fale de “cubrir o servizo trasladando profesionais doutro Hospital”, o que é “desvestir un santo para vestir a outro” cando é “obriga da Xunta anticiparse, ter previsión e non chegar tarde, mal e arrastro como estamos acostumados”. Lamentou que o goberno galego demostre “descoñecer a realidade dos feitos e darlle moi pouca importancia a estes servizos, sen recoñecer que a detección temperá de problemas cardíacos é prioritaria”.
Desmantelamento
Esta situación crítica, dixo, é un síntoma máis do “abandono e desmantelamento” da sanidade da Mariña por parte da Xunta a partires da supresión da Área Sanitaria, convertendo o Hospital da Costa nunha “sucursal” do Hula. A pesares da ampliación física do Hospital, este ven perdendo servizos constantemente e a lista de desagravios á sanidade da Mariña aumenta mes a mes.
Este centro vén de perder así servizos como Cirurxía Pediátrica, mentres Oncoloxía limítase á visita dos profesionais do Hula só en horario de mañá. Lamentou que no xa non se cambian nin axustan os marcapasos, e tampouco realiza intervencións de cataratas, fimosis, varices, intervencións de otorrino e larinxe ou partos de risco, co que obrigan aos pacientes a desprazarse ata a capital da provincia.
A perda da Área Sanitaria, continúa, xerou o “deterioro progresivo” da atención Primaria en toda a comarca, con problemas para atención pediátrica en Mondoñedo, Lourenzá, Barreiros ou Xove, con prazas descubertas en centros como os de Foz e Burela, ou a perda do segundo técnico da ambulancia medicalizada con base en Foz.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
