Lugo 12 de marzo de 2021. As actividades do programa ilustrarNÓS, promovido pola Vicepresidencia, continúan este luns, 15 de marzo, con dous obradoiros nos colexios Rosalía de Castro e Anexa de Lugo e unha charla da ilustradora Bea Lema no IES Monte Castelo de Burela.
Nos colexios lucenses, Polo correo do vento dirixirá un sesión pensada para que o alumnado se familiarice co proceso creativo, tomando como referencia a biografía da pintora viveirense Maruja Mallo. Na posta en escena, mesturase a narración oral coa ilustración en directo. A actividade, baixo o título Ilustrar conta, culmina cun obradoiro de debuxo no que se propón que os particpantes realicen unha caricatura da artista.
No instituto de Burela, a ilustradora e debuxante de comics Bea Lema impartirá unha charla titulada “O proceso creativo na ilustración”, unha exposición na que compartirá co alumnado a súa experiencia como creadora en diferentes técnicas e formatos.
A artista coruñesa, formada como deseñadora de produto na Universidade da Coruña, comenzou a súa traxectoria profesional en 2011 na firma de cerámica Sargadelos. Desde 2013, desenvolve o seu traballo de forma independente, realizando diferentes proxectos e publicacións.
A primeira delas foi o minilibro ilustrado “Pasado ou futuro?”, premiado pola revista Fuera (de) Margen en 2015. Despois chegaron “O Diario de Raquel”, con texto de Paco Climent, e “O Corpo de Cristo”, unha novela gráfica que trata a enfermidade mental desde a perspectiva dunha nena e coa que gañou o Premio Castelao de Banda Deseñada da Deputación da Coruña.
Próximas datas
Polo correo do vento estarán o luns 22 de marzo no CEIP Lagostelle de Guitiriz e no CPI Poeta Uxío Novoneyra de Folgoso do Courel.
Bea Lema visitará o IES Pedregal de Irimia de Meira o 22 de marzo e o IES A Pinguela de Monforte de Lemos o 7 de abril.
Ademais, o xoves 18 de marzo dirixirá un obradoiro na Escola de Artes Ramón Falcón que, ese mesmo día, acollerá unha conferencia a cargo da Asociación Galega de Profesionais da Ilustración (Agapi).
En marcha, o certame ilustrarNos
Os centros educativos están tamén convidados a participar no certame ilustrarNÓS. As alumnas e alumnos que desexen participar deberán realizar unha ilustración tomando como referencia unha das citas de Alfonso Daniel R. Castelao indicadas nas bases do certame en función de cada etapa educativa.
Para 5º e 6º de Educación Primaria, proponse a cita “-Que comerá o rei?; no caso de 1º e 2º de ESO, proponse realizar o exercicio creativo arredor da frase “Vale máis unha terra con árbores nos montes ca un Estado con ouro nos bancos”; para 3º e 4º de ESO, o punto de partida é a coñecida “Se aínda somos galegos é por obra e gracia do idioma”. Para Bacharelato e ciclos formativos, elixiuse como premisa creativa “O verdadeiro heroísmo consiste en trocar os anceios en realidades, as ideas en feitos”
O prazo para participar manterase aberto ata o 23 de abril, coincidindo co Día do Libro.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.